Sifatni boshqarish fazasi. Aqsh da sifatni boshqarish tajribasi yaponiyada sifatni boshqarish tajribasi

Sifatni boshqarish sohasidagi yaponlar tajriba-sini umumlashtirib, quyidagilarni uning asosiy o‘ziga xosliklari qatoriga kiritish mumkin:

• 
  har bir ishlab chiqaruvchida buyurtmachi va iste’molchilarga nisbatan o‘ta hurmat bilan munosabatda bo‘lishni tarbiyalash (ham firma ichida, ham firmalar o‘rtasidagi munosabatlarda iste’molchiga deyarli sig‘inish darajasigacha bo‘lgan hurmat);
  
• 
  sifatni kompleks boshqarish tamoyillarini amalda bajarish;
  
• 
  barcha bo‘linmalar va xodimlarning sifatni boshqarish va ta’minlashda ishtirok etishi;
  
• 
  kadrlarni uzluksiz tizimiy tarzda sifatni bosh- qarish va ta’minlash masalalari bo‘yicha o‘qitish, bu barcha firma xodimlarining shu sohada tayyorgarlik darajasi yuqori bo‘lishini kafolatlaydi;
  
• 
  mahsulot hayot siklining barcha bosqichlari va xizmatlar sohasida sifat to‘garaklari keng tarmog‘ining samarali ishlashi;
  
• 
  sifatni boshqarish va ta’minlash bo‘yicha barcha faoliyatni inspeksiyalashning rivojlangan tizimidan foydalanish;
  
• 
  sifatni boshqarish va ta’minlashda, ayniqsa ishlab chiqarish jarayonlari sifatini ustuvor nazorat qilishda, sifatni nazorat qilishning ilg‘or, jumladan statistik usullarini keng qo‘llanish;
  
• 
  sifatni nazorat qilish bo‘yicha chuqur o‘ylangan kompleks dasturlarni va ularni bajarish bo‘yicha maqbul rejalarni yaratish va amalga oshirish;
  
• 
  ishlab chiqarish sohasida yuqori sifatli mehnat vositalari mavjudligi;
  
• 
  yuqori sifatli mahsulot va vijdonan mehnat qilish ahamiyatini targ‘ib qilishning o‘ta rivojlangan tizimi mavjudligi;
  
• 
  sifat darajasini oshirish va mahsulot raqobat-bardoshligini ta’minlashning muhim yo‘nalishlariga davlatning kuchli ta’siri.
  

Iste’molchilardan ishlatilayotgan mahsulotning sifati to‘g‘risidagi ma’lumotlarni to‘plash va ulardan foydalanish (mahsulotni «kuzatib borish») YAponiya firmalarida sifatni boshqarishning o‘ziga xos jihati deb tan olish mumkin. Bunday axborotlar faqat o‘z mahsuloti emas, balki raqobatchilar mahsulotlarining sifati to‘g‘risida ham to‘planadi.
Bu ma’lumotlar firma mahsuloti sifatini baholash va raqobatchi firmalar mahsulotiga nisbatan o‘zining mahsulotini yaxshilash uchun nazorat ko‘rsatkichlarini aniqlash imkoniyatini beradi.