Sifatni boshqarish fazasi. Aqsh da sifatni boshqarish tajribasi yaponiyada sifatni boshqarish tajribasi

Bu yutuqlarga quyidagilarni kiritish mumkin:

• 
  mahsulot sifatini boshqarishning kompleks tizimlari (MSBKT);
  
• 
  korxonalar va alohida bo‘linmalar ishining sifatini boshqarishning kompleks tizimlari;
  
• 
  etkazib beruvchilar bilan ishlash usullari va shakllari.
  

Bu ishlanmalar birinchi marta YAponiya va AQSHda, shuningdek Rossiyada (HSK tarmoqlarida) amaliyotda amalga oshirildi.
Sifat sohasida standartlashtirishni yanada rivojlantirish quyidagi ko‘rsatkichlar guruhlari bo‘yicha sanoat mahsuloti sifatini baholash usullarini ta’minlashda standartlarning roli oshishi bilan bog‘liq bo‘ldi:

• 
  texnik;
  
• 
  ishlatish;
  
• 
  ishonchlilik;
  
• 
  texnologiklik;
  
• 
  estetik;
  
• 
  ergonomik;
  
• 
  standartlashtirish va unifikatsiyalash (birxillashtirish) darajasi.
  

Bozor sharoitlariga o‘tishda boshqaruvning ma’muriy-buyruqbozlik usullari yo‘qoldi, tovar ishlab chiqaruvchilar o‘rtasida raqobat paydo bo‘ldi, ular jahon hamjamiyatining mahsulot sifatiga qo‘yayotgan talablarini bevosita his qildilar. Davlat standartining bozor munosabatlariga o‘tish davridagi eng katta xizmati sifat tizimi bo‘yicha Rossiya standartlarini xalqaro standartlar bilan uyg‘unlashtirish-dan iborat bo‘ldi.
Davstandartning sifatni boshqarish sohasidagi texnik siyosati Rossiya tovar ishlab chiqaruvchilariga korxonalarda sifat tizimlarini ISO 9000 oilasi xalqaro standartlari talablariga muvofiq ravishda joriy etishga ko‘maklashishni ko‘zda tutadi.
Sifatni kompleks boshqarish sohasidagi Rossiya tajribasi ISO 9000 standartlarini o‘zlashtirish uchun yaxshi zamin hisoblanadi, bu standartlar sifatni boshqarish fani rivojining ancha yuqori darajasidan iboratdir. Sifat tizimlari (ISO 9000 bo‘yicha) ning (MSBKT) dan asosiy farqlari quyidagilardan iborat:

• 
  iste’molchining talablarini qondirishga yo‘llanish;
  
• 
  mahsulot sifati uchun javobgarlikni muayyan ijrochilarga yuklatish;
  
• 
  iste’molchi tomonidan etkazib beruvchining ishlab chiqarishini tekshirish;
  
• 
  etkazib beruvchining butlovchi buyumlar va materiallarni tanlashi;
  
• 
  materiallardan boshlab mahsulotni utillashti-rishgacha bo‘lgan mahsulot sifatining mufassal nazorati;
  
• 
  marketing;
  
• 
  sifat xarajatlarini hisobga olish va tahlil qilishni tashkil etish;
  
• 
  material va butlovchi buyumlarni butun ishlab chiqarish sikli davomida nazorat qilib kuzatib borish;
  
• 
  ishlatishdan keyin mahsulotni utillashtirish masalalarini hal qilish.