Sifatni boshqarish fazasi. Aqsh da sifatni boshqarish tajribasi yaponiyada sifatni boshqarish tajribasi

3– Mavzu. SIFATNI BOSHQARISH FAZASI

Reja.

1. 
   SIFATNI BOSHQARISH FAZASI.
   
2. 
   AQSH da SIFATNI BOSHQARISH TAJRIBASI
   
3. 
   YAPONIYADA SIFATNI BOSHQARISH TAJRIBASI
   
4. 
   SIFATNI BOSHQARISHNING EVROPA TAJRIBASI
   
5. 
   ROSSIYANING SIFATNI BOSHQARISH TAJRIBASI
   

Sifatni boshqarish fazasi boshlanishini 1950-yildan boshlab hisoblash qabul qilingan. Amerikalik doktor Edvard Demingning YAponiyaning etakchi sanoatchilari oldida ma’ruza bilan chiqishi keskin burilish yasaydigan hodisa bo‘ldi. SHuningdek boshqa bir amerikalik, YAponiyaga hukumatning texnik yordamchisi sifatida taklif etilgan Jozef Juran tomonidan dastur ishlab chiqildi, uning asosiy g‘oyasi: «Mahsulot sifatining asosi – mehnat sifati va barcha darajalarda sifatli boshqaruv, ya’ni odamlar jamoasi ishini har bir xodim o‘z ishidan huzur qiladigan tarzda tashkil etilishidir» degan fikrdan iborat edi.
Dastur endi faqat ishlab chiqarish jarayonlarini takomillashtirishga emas, balki umuman tizimni takomillashtirishga, kompaniya yuqori rahbariyatining sifat muammolarida bevosita ishtirok etishiga, kompaniyaning pastdan yuqori lavozimgacha bo‘lgan barcha xodimlarini sifatni ta’minlashning asosiy usullariga o‘qitish, xodimlarni yuqori sifatli mehnat qilishga rag‘batlantirishga alohida e’tibor berishga asoslandi. Iste’molchiga brak etib borishiga yo‘l qo‘ymaslik kon­sepsiyasi va yaroqli buyumlar chiqishini ko‘paytirish konsepsiyasi o‘rnini «nuqsonlar nol» konsepsiyasi egalladi.
Aynan Edvard Deming, Jozef Juran, Armand Feygenbaum va Kaori Ishikavalarning g‘oyalarini izchil amalga oshirish tufayli YAponiya, tabiiy resurslari juda kam va urush sababli vayron (nochor) bo‘lgan mamlakat, jahonning eng boy mamlakatlaridan biriga aylandi.
YUqoridagi mutaxassislarning sifatni boshqarish konsepsiyani yaratish va rivojlantirishga qo‘shgan hissalarini ko‘rib chiqamiz.


Deming (Deming W. Edwards) – AQSHning sifatni ta’minlashning statistik usullari bo‘yicha etakchi mutaxassislaridan biri bo‘lib, YAponiya Olim va Muhandislar Ittifoqi (JUSE) dan YApon sanoatini qayta tiklash dasturida ishtirok etish uchun taklifnoma olgan. U YAponiyada 14 banddan iborat bo‘lgan sifat menejmenti dasturini taklif etdi va sifatni doimiy ravishda yaxshilab borish tamoyilini ishlab chiqdi va u YAponiya sanoatini inqilobga olib keldi.