Sifatni boshqarish fazasi. Aqsh da sifatni boshqarish tajribasi yaponiyada sifatni boshqarish tajribasi

Qisqacha bayon etilganda u quyidagilardan iborat:

1. 
   SHunday qilingki, tovar yoki xizmatlarni takomillashtirish masalasi doimiy bo‘lsin. Sizning pirovard maqsadingiz – raqobatbardosh bo‘lish, biznesda qolish va yangi ish joylarini ta’minlash.
   
2. 
   YAngi falsafani o‘zlashtirib oling. Biz YAponiya yaratgan yangi iqtisodiy erada yashamoqdamiz. G‘arblik boshqaruvchilar o‘zlarining mas’uliyatlarini his qilishlari va ijobiy o‘zgarishlarga erishish uchun rahbarlikni o‘z qo‘llariga olishlari zarur.
   
3. 
    Sifatga erishishda yoppasiga nazorat qilishga bog‘liqlikni bartaraf eting. Sifatni yaxshilash maqsadidagi mashaqqatli yuz foizli tekshirishlar rejaga brakni kiritish va jarayon texnologiya talab etadigan imkoniyatlarga ega emas deb tan olish bilan baravardir.
   
4. 
    Faqat baholar asosida buyurtmalarni taqdim etish amaliyotini to‘xtating. Buning o‘rniga jami xarajatlarni imkon qadar kamaytiring. Butlovchi buyumlarning har biri bitta etkazib beruvchiga ega bo‘lishga harakat qiling, u bilan uzoq muddatli munosabatlar, o‘zaro ishonch va xolislik asosida ishlang.
   
5. 
   Sifat va ish unumi oshishi, va shu tariqa xarajatlar doimo pasayib borishi uchun doimiy ravishda va hamisha ishlab chiqarish va xizmat ko‘rsatish tizimini takomillashtirib boring.
   
6. 
   Ish joylarining o‘zida kadrlarni tayyorlash tizimini yarating.
   
7. 
   Samarali rahbarlik tizimini yarating. Ma’muriyatning ishi nazorat qilishdan ema, balki rahbarlik qilishdan iboratdir. Boshqaruvchilarning doimo oldinda va lider bo‘lishlari zarur.
   

8. 
   Kompaniyada qo‘rquvni yo‘qoting, samarali ishlashga imkon bering. Agar o‘zini himoyalangan, xotirjam deb sezmasa va o‘ziga ishonmasa, hech kim eng yaxshi ko‘rsatkichlarga erisha olmaydi. Odam o‘z g‘oyalarini aytish va savollar berishdan qo‘rqmasligi kerak.
   
9. 
   Bo‘limlar o‘rtasidagi to‘siqlarni bartaraf eting. Tadqiqotlar olib boruvchi, konstruktorlik, savdo va ishlab chiqarish bo‘limlari xuddi bir komanda kabi ishlashlari zarur. Ishlab chiqarishda va mahsulot hamda xizmatlardan foydalanishda yuzaga kelishi mumkin bo‘gan muammolarni oldindan ko‘rishga harakat qiling.
   

10. 
    Ishchilar uchun brakka yo‘l qo‘ymaslik va ish unumining yangi darajalariga erishishga da’vat etadigan shiorlar, pand-nasihatlar va topshiriqlardan qoching. Bunday pand-nasihatlar teskari ta’sir etadi, chunki aksariyat hollarda past sifat va past ish unumi boshqaruv tizimining aybi bo‘lib, demak u ishchilarning qo‘lida emas. Kompaniyaning muvaffa-qiyati 94% ga rahbariyat va faqat 6% gagina ishchilarga bog‘liqdir.
    
11. 
     Ishlab chiqarishda normalar (kvotalar) belgilashdan qoching. Raqamlar, miqdoriy ko‘rsatkichlarga yo‘naltirilgan boshqaruvdan voz keching.
    
12. 
     Keksa, uzoq muddat xizmat qilayotgan ishchilarga o‘z mahoratlari bilan faxrlanishga imkon bermayotgan to‘siqlarni bartaraf eting. Inspektorlarning mas’uliyati o‘zgarishi zarur, ular yalong‘och raqamlar uchun emas, balki sifat uchun javob berishlari shart. Ma’muriyatga va muhandis xodimlarga o‘z mahoratlari bilan faxrlanishga imkon bermayotgan to‘siqlarni yo‘qoting. Bu, barcha boshqa narsalardan tashqari, har yili attestatsiya o‘tkazish va boshqaruvning ob’ektivistik usullari-dan voz kechishni bildiradi.
    
13. 
     Malakani oshirish va o‘z-o‘zini o‘stirishning keng qamrovli dasturini joriy eting.
    
14. 
    SHunday qilingki, kompaniyada har bir kishi o‘zgartirishlar dasturida ishtirok etsin.