Сиддиқог дони

Yosh futbolchilarni tayyorlashda xarakatli o’yinlardan foydalanish tajribasini o’rganish

O’yinlar – futbolning ular yoki bu usuliy xususiyatlaridan foydalaniladigan jismoniy mashqlardir. Ularning musobaqa-lashuv xususiyati muayyan ko’rsatkichlar (gollar, ochkolar, vaqt) bo’yicha g’olibni aniqlashga imkon beradi, bu futbolchi uchun zarur bo’lgan harakat faoliyati majmuali takomillashuviga yo’l ochadi.
O’yinlar futbol jamoasi oldida turgan vazifalar hamda muallif tanlagan mashg’ulot usullaridan kelib chiqib shaklini o’zgartirishi va kengayishi mumkin.
Zamonaviy mashg’ulotlarni shiddatli yuklamasiz tasavvur etib bo’lmaydi. Bu vazifani ko’rsatilgan o’yin mashqlari yordamida ma’lum darajada hal etish mumkin.


Maydon o’rtasida
Vazifa: maxsus chidamlilikni rivojlantirishga yordam berish.
Ishtirokchilar: to’rt nafardan o’yinchisi bo’lgan ikki jamoa.
Maydoncha: 30 x 20 m, qisqaroq chiziqlarga tashqari tomonga qaytarilib ikkita kichkina darvoza o’rnatiladi.
Davomiyligi: 5 daq dan oraliqlar bilan 5 martagacha.



Shartlari: bir jamoaning o’yinchilari to’pni o’z maydonchalari tomondan raqib tomoniga o’tkazib, raqib darvozasi chizig’idan narida turgan hujumchiga uzatishlari kerak (hujumchini raqiblarning himoyachisi nazorat qilib turadi). To’p yo’qotilsa, ular raqib jamoasiga beriladi. To’pni faqat maydonchaning raqibga tegishli qismidan uzatib darvozaga yo’llash mumkin. To’p yon chiziqlardan tashqariga chiqib ketmasligi kerak. To’pni o’z maydonchasidan to’g’ridan-to’g’ri hujumchiga uzatish va boshqa qoidabuzarliklar uchun erkin zarba bilan jazo beriladi.
Har 5 daqiqada maydon o’rtasidagi o’yinchilar darvozadan narida o’ynayotgan sheriklari bilan joy almashadilar.
Ko’rsatmalar: maydoncha o’rtasida o’ynayotgan ikkala o’yinchi darvozaga kiritilgan har bir to’pdan keyin almashtirib turish mumkin. O’yinchilarning ish qobiliyatidan kelib chiqib, maydoncha uzunligi, yuklama davomiyligi va to’pga necha marta teginish mumkinligi belgilanadi.