Шөлкемлестириў илажлары

§3. Кернеўлик жоқлығын тексериў.
149. Кернеўлик жоқлығын тексериў кернеўликти көрсетиўши әсбап жәрдеминде тексери-лиўи тийис. Әсбаптың иске жарамлылығы қолланыўдан алдын жақын жердеги кернеў-лик астындағы ток өткериўши бөлекшелерге жақынластырып ямаса сол мақсетке бағ-дарланған қәнийгелестирилген әсбаплар жәрдеминде анықланады.
1000 В жоқары электр үскенелеринде кернеўликти көрсетиўши әсбаплардан пайдалан-ғанда диэлектрик қолғаплардан пайдаланыў керек.
35 кВ ҳәм оннан жоқары электр үскенелеринде кернеўлик жоқлығын тексериў ушын изоляциялаўшы штангалардан пайдаланыў мүмкин. Кернеўлик жоқлығы ток өткериўши бөлекшелерге бир неше мәртебе тийгизилип көриледи. Кернеўликтиң жоқлығының бел-гиси ушқын жоқлығы ҳәм шыртылдаўдың жоқлығы болып есапланады.
220 кВ жоқары бир шынжырлы ҳаўа линиясында кернеўликтиң жоқлығының белгиси коронацияның жоқлығы болып табылады.
150. Электр станция ҳәм жәрдемши станция электр үскенелеринде кернеўлик жоқлығын тексериў 1000 В дейинги электр үскенелеринде III-топарға ийе ҳәм 1000 В жоқары электр үскенелеринде IV-топарға ийе нәўбетши яки тез-ара оңлаўшы бир исшиге рухсат етиледи. Ҳаўа линияларда кернеўлик жоқлығын тексериў еки исши орынлайды. Ҳаўа линияда IV ҳәм III-топарға ийе болыўы тийис, ал 1000 В дейинги ҳаўа линияда III-топарға ийе болыўы тийис.
151. Кернеўлик жоқлығы схемаға салыстырылып жумыс орнында тексериў төмендеги жағ-дайларда рухсат етиледи:
ашық бөлистириў электр үскенелеринде, сыртта орнатылған комплект бөлистириўши электр үскенелери ҳәм комплект трансформатор пунктлеринде, сондай ақ ҳаўа линия-лары туман, жамғыр, қар жаўып турған жағдайда арнаўлы кернеўликти көрсетиўши әсбап жоқ болған жагдайларда;
220 кВ ҳәм оннан жоқары кернеўли ашық бөлистириў электр үскенелери ҳәм еки шынжырлы 220 кВ ҳәм оннан жоқары кернеўли ҳаўа линияларында.
Ҳаўа ҳәм кабель электр тармақларының кириўинде (вводында) кернеў жоқлығын схемаға қарап орнында тексерилген жағдайда, буны линияның басқарыўы кимниң мой-
нында болса, сол нәўбетши тастыйықлайды.
Ҳаўа линиясында кернеўлик жоқлығын схемаға қарап орнында тексериў диспетчер-лик атамасына мас келген линия бағдары ҳәм сыртқы белгисине ҳәмде бағаналарға жазылған белгилерине қарап анықлаўдан ибарат.
152. 6-20 кВ ҳаўа линиясының ағаш яки темир бетон бағаналарында, сондай-ак телескоплы вышкаларда емкость тоги ағып өтиўи принципинде тийкарланған көрсеткиш жәрдемин-де кернеўлик жоқлығы тексерилгенде көрсеткиштиң талап етилген сезимталлығын тәмийинлеў тийис. Буның ушын оның исши бөлимин жерге тутастырыў керек.
153. Ҳаўа линияның ҳәр түрли бийикликте асылған сымларында кернеўлик жоқлығы көрсет-киш ямаса штанга жәрдеминде тексериледи ҳәм жерге тутастырғыш ең астынғы сымнан, төменнен жоқарыға қарай қойылады. Кесесине асылған сымларда кернеўди тексериў жақын сымлардан баслап әмелге асырылады.
154. Жерге тутастырылған нейтралы 1000 В дейинги электр үскенелринде еки полюслы көрсеткишти қолланған ҳалда кереўлик жоклығын тексериў фазалар аралығын ҳәм ҳәр бир фаза ҳәм жерге тутастырылған үскене корпусы аралықлары ямаса өткериўши жерге тутастырғыш аралықлары тексерилиўлери тийис. Бундай жағдайларда алдын ала тексе-рилген вольтметрден пайдаланыўға рухсат етиледи. Қадағалаўшы (контроль) лампалар-дан пайдаланыў қадаған етиледи.
155. Аппаратлардың өшиў жағдайынан сигнал бериўши қурылма, блокировкалаўшы қурыл-малар, турақлы жалғанған вольтметрлер ҳ.т.б. кернеўлик жоқлығын тастыйықлаўшы қосымша қураллар болып олардың көрсетпеси жоқ деген жуўмаққа келиўге болмайды.