Шодиев акбар ашурович бухгалтерия ҳисобининг хусусиятлари

Ўзи ишлаб чиқарган ярим тайёр маҳсулотларни ҳисобга олиш.
Корхона фаолияти учун зарур бўлган ярим тайёр маҳсулотлар мол етказиб берувчилар томонидан етказиб берилиши ёки корхонанинг ўзида яратилиши мумкин. Ҳар иккала ҳолатда ҳам сотиб олинган ёки ўзида яратилган ярим тайёр маҳсулотлар тегишли ҳисобварақларда ҳисобга олиб борилади. Корхонанинг ўзида яратилган ярим тайёр маҳсулотни ҳисобга олиш учун 2110-«Ўзида ишлаб чиқарилган ярим таёр маҳсулотлар» ҳисобварағи мўлжалланган. Ушбу ҳисобварақда корхонанинг ўзида ишлаб чиқарилган ярим тайёр маҳсулотларнинг мавжудлиги ва харакати доимий равишда умумлаштирилиб борилади.
2110-«Ўзида ишлаб чиқарилган ярим тайёр маҳсулотлар» ҳисоб- варағини ярим тайёр маҳсулотларнинг алоҳида турдаги ҳисобини олиб борадиган корхоналар ишлатади. Бошқа корхоналарда эса бундай маҳсулотлар 2010-«Асосий ишлаб чиқариш» ҳисобварағида, тугаланмаган ишлаб чиқариш сифатида ҳисобга олиб борилади.
2110-«Ўзида ишлаб чиқарилган ярим тайёр маҳсулотлар» ҳисоб- варағининг дебетида 2010-«Асосий ишлаб чиқариш» ҳисобварағи билан боғлиқликда ярим тайёр маҳсулотларни ишлаб чиқариш билан боғлиқ ҳаражатлар акс этирилади.
2110-«Ўзида ишлаб чиқарилган ярим тайёр маҳсулотлар» ҳисоб- варағининг кредитида ишлов бериш мақсадида берилган ёки сотилган ярим тайёр маҳсулотлар акс эттирилади.
Ўзида ишлаб чиқарилган ярим тайёр маҳсулотлар сотилганда 2110-«Ўзида ишлаб чиқарилган ярим тайёр маҳсулотлар» ҳисобварағининг кредити , 9110-«Сотилган тайёр маҳсулотларнинг таннархи» ҳисобварағининг дебетига ҳисобдан чиқарилади.
2110-«Ўзида ишлаб чиқарилган ярим тайёр маҳсулотлар»нинг аналитик ҳисоби ярим тайёр маҳсулотларнинг сақланиш жойлари, номлари, навлари, миқдорлари бўйича юритилади.
1-мисол. Ўзида ишлаб чиқарилган ярим тайёр маҳсулотлар бўйича комомад аниқланди. Ушбу хўжалик муомаласига қуйидагича бухгалтерия ўтказмаси тузилади:
Д-т-4730-«Ходимларнинг моддий зарарларини қоплаш бўйича қарзлари» ҳисобварағи
К-т-2110-«Ўзида ишлаб чиқарилган ярим тайёр маҳсулотлар»
ҳисобварағи
2-мисол. Ўзида ишлаб чиқарилган ярим тайёр маҳсулотлар алоҳида балансга ажратилган ички бўлинмаларга берилди:
Д-т-4110-«Алоҳида бўлинмалардан олинадиган ҳисобварақлар» ҳисобварағи
К-т-2110-«Ўзида ишлаб чиқарилган ярим тайёр маҳсулотлар» ҳисобварағи.