Шодиев акбар ашурович бухгалтерия ҳисобининг хусусиятлари

2-Мисол.Ёш ҳайвонлар бошқа корхоналардан текинга олинди:
Д-т 1110-«Ўстиришдаги ҳайвонлар» ҳисобварағи
К-т 8530-«Бепул олинган мулклар» ҳисобварағи


Материалларни тайёрлаш ва сотиб олишнинг ҳисоби.
Корхонада қабул қилинган ҳисоб сиёсатига кўра материалларнинг қабул қилиниши бухгалтерияда 1510-«Материалларни тайёрлаш ва сотиб олиш», 1610-«Материаллар қийматидаги фарқ» ҳисобварақларидан фойдаланилган ҳолда ёки фойдаланилмасдан акс эттирилиши мумкин. Бу ҳисобварақлардан фойдаланганда, мол етказиб берувчилардан олинган, ҳисоб-китоб хужжатлари асосида келиб тушган материаллар қийматига қуйидагича бухгалтерия ўтказмаси тузилади:
1. Мол етказиб берувчилардан материалларнинг келиб тушиши:
Д-т 1510-«Материалларни тайерлаш ва сотиб олиш» ҳисобварағи
К-т 6010-«Мол етказиб берувчилар ва пудратчиларга тўланадиган тўловлар» ҳисобварағи
2. Материаллар асосий ишлаб чиқаришдан олинди:
Д-т 1510-«Материалларни тайерлаш ва сотиб олиш» ҳисобварағи
К-т 2010-«Асосий ишлаб чиқариш» ҳисобварағи

Айланма маблағларга кирувчи моддий қийматликларни тайёрлаш ва сотиб олиш қуйидаги ҳисобварақда умумлаштирилади:

1510-«Материалларни тайёрлаш ва сотиб олиш»
1510-«Материалларни тайёрлаш ва сотиб олиш» ҳисобварағининг дебетида корхоналарнинг мол етказиб берувчилар томонидан тақдим қилинган ва ҳисоблашиш ҳужжатлари бўйича кирим қилинган моддий қийматликларни сотиб олиш қиймати акс эттирилади.
1510-«Материалларни тайёрлаш ва сотиб олиш» ҳисобварағининг кредитида корхонага келиб тушган ва қабул қилинган моддий қийматликларининг ҳақиқий қиймати акс эттирилади.
Сотиб олинган моддий қийматликлар орасидаги фарқ ҳисобланган хақиқий сотиб олиш (тайёрлаш) таннархи билан ҳисоб баҳолари ўртасидаги фарқ суммаси 1510-«Материалларни тайёрлаш ва сотиб олиш» ҳисобварағидан 1610-«Материаллар қийматидаги фарқлар» ҳисобварағига ҳисобдан чиқарилади.
Мисол: Ҳарид қилинган материаллар учун мол етказиб берувчилар счёт-фактураларнинг акцептланиши:
Д-т 1510-«Материалларни тайерлаш ва сотиб олиш» ҳисобварағи
К-т 6010-«Мол етказиб берувчилар ва пудратчиларга тўланадиган тўловлар» ҳисобварағи