Шеробод тумани

Изоҳ: 2017 йил 15 мартдаги ВМнинг 140-қарори, 2017 йил 7 февралдаги Ҳаракатлар стратегияси, ВМнинг 2017 йил 6 апрелдаги 187-қарори

2. 
   УЎТМ фаолиятини ташкил этишнингасосий принциплари
   

Мактаб фаолияти демократия ва инсонпарварлик, ҳаммабоплик, умуминсоний қадриятлар устуворлиги, халқнинг илмий ва маданий анъаналари, ўқитишнинг дунёвий характери, сиёсий партиялар ва ижтимоий-сиёсий ҳаракатлар таъсиридан ҳолилик, иқтидор ва илмни рағбатлантириш, ўқувчи ва педагог шахсини ҳурмат қилиш тамойиллари асосида ташкил этилади.

Мактаб фаолияти турли масалаларни кенгашларда коллегиал, биргаликда ва эркин муҳокама қилишга, ошкораликка, жамоатчилик фикрини ҳисобга олишга асосланади.
Мактабнинг фаолияти унинг раҳбарлари, ўқитувчи-тарбиячилар, педагог ходимлар, хизмат кўрсатувчи ходимлар, ўқувчилар, жамоатчилик ташкилотлари ва жамоавий бошқарув органларининг доимий фаолиятига асосланади.
Изоҳ: Таълим тўғрисидаги қонун, Кадрлар тайёрлаш миллий дастури

3. 
   УЎТМ фаолиятининг ташкилий шакли
   

Умумтаълим муассасаси юридик шахс ҳисобланади ва ўз уставига, мустақил балансига, шахсий ғазна ҳисобварақларига (давлат таълим муассасалари учун), банк ҳисоб рақамларига, ўз номи кўрсатилган муҳрга (давлат умумтаълим муассасаларининг муҳрида Ўзбекистон Республикасининг Давлат герби тасвири туширилади), штампга ва бланкаларга эга бўлади.

Умумтаълим муассасасининг устави белгиланган тартибда тасдиқланади ва умумтаълим муассасаси маҳаллий давлат ҳокимияти органида давлат рўйхатидан ўтказилади.
Умумтаълим муассасаларининг намунавий устави Ўзбекистон Республикаси Халқ таълими вазирлиги томонидан тасдиқланади.
Давлат умумтаълим муассасаларида умумий ўрта таълим олиш бепул амалга оширилади.
Умумтаълим муассасасида таълим олиш тилини танлаш Ўзбекистон Республикасининг «Давлат тили ҳақида»ги Қонунига мувофиқ амалга оширилади.
Умумий ўрта таълим мунтазам ва тизимли билимлар олинишини, кенг дунёқараш ҳамда ижодий мустақил фикрлаш шакллантирилишини, ўқувчининг баркамол шахс сифатида камол топишини, унинг қизиқишлари ва ижодий қобилиятларининг ривожлантирилишини таъминлайди.