Шеробод тумани

Изоҳ: 2017 йил 15 мартдаги ВМнинг 140-қарори

4. 
   Мактабкенгаши
   

Жамоавий-давлат бошқаруви органи ҳисобланиб, кенгаш раиси Конференцияда сайланади. Мактаб жамоаси конференцияси қарорлари бажарилишини ташкил этади ва назорат қилади.

Мактаб иш режасини тасдиқлайди. Иқтисодий ва хўжалик юритиш йўналишидаги масалаларни ҳал қилади. Педагогик кенгаш томонидан киритилган таклифларни кўриб чиқади, ўқув режалари ва дастурларни ўзгартириш бўйича қарорлар қабул қилади ва ҳужжатларни тасдиқлайди.
Методик ва педагогик кенгашлар тақдимига кўра мактаб фаолияти йўналишлари ва тартибини, ўқитувчининг тарификация қилинган иш ҳажмини, ўқув ҳафтаси ва ўқув машғулотлари давомийлигини белгилайди. Ўқувчи ва ўқитувчилар кийими формаси ҳамда навбатдаги ўқув йили учун синфлар сонини аниқлайди.
Мактаб ўқувчилари, ўқитувчи ва ходимларнинг манфаатларига тааллуқли масалалар кўрилиши жараёнларида уларнинг ижтимоий ҳимоясини таъминлайди.
Бюджет маблағларини сарфлаш ҳисоботларини кўриб чиқади, бюджетдан маблағлар топиш йўналишларини белгилайди. Ўқитувчилар, педагог ходимлар ва раҳбарларнинг ўз фаолияти ҳақидаги ҳисоботларини эшитиб боради ва натижаларига кўра Конференцияга таклифлар киритади.
Кенгаш аъзолари таркибидан турли масаллаар бўйича ҳамда ички назорат ва тафтиш комиссиялари таркибини шакллантиради ва тасдиқлайди.
Кенгашнинг ўз ваколати доирасида ва қонунчиликка мос равишда қабул қилган қарорларини бажариш маъмурият ва мактаб жамоасининг барча аъзолари учун мажбурийдир.
Изоҳ: 2017 йил 2 августдаги Президент видеоселектори йиғилишидаги вазифалар

5. 
   Педагогик кенгаш
   

Педагогик кенгаш умумтаълим муассасаси фаолиятига доир асосий масалалар коллегиал муҳокама қилинадиган, таълим муассасасида ўқув-тарбия жараёнини ривожлантириш, такомиллаштириш, унинг фаолияти билан боғлиқ барча ташкилий масалаларни мувофиқлаштириш бўйича доимий фаолият юритадиган олий орган ҳисобланади. Педагогик кенгашнинг фаолияти жамоатчилик асосида ташкил этилади.

Педагогик кенгаш ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорларига, ушбу Низомга, бошқа норматив-ҳуқуқий ҳужжатларга, шунингдек умумтаълим муассасасининг уставига амал қилади.
Педагогик кенгашнинг мақсади умумтаълим муассасасида давлатнинг таълим сиёсатини амалга ошириш, умумтаълим муассасасининг мақсади ва вазифаларидан келиб чиққан ҳолда таълим-тарбия жараёнини ривожлантириш, уни такомиллаштиришда педагогик жамоанинг фаолият йўналишини белгилаш, таълимдаги ютуқларни ва илғор педагогик тажрибаларни амалиётга жорий этишда педагогик жамоани бирлаштириш, демократия, ошкоралик, ўзини ўзи бошқариш тамойиллари асосида умумтаълим муассасаси бошқарувини амалга оширишдан иборат.