Shaxs ma'naviyatini rivojlantirish omillari va vositalari mundarija kirish i-bob. Shaxs maʼnaviyatini rivojlantirishning asosiy omillari va uning rivojlanish qonuniyatlari

Mavzuning dolzarbligi. Keyingi paytlarda maʼnaviyatga oid eʼlon qilinayotgan maqolalarda, oʻtqazilayotgan anjumanlarda “Maʼnaviyat” tushunchasiga taʼrif berish, uning jamiyat, inson va millat taraqqiyotidagi oʻrniga katta eʼtibor qaratilmoqda xususan, “Vatan tuygʻusi” kitobining mualliflari “Maʼnaviyat — jamiyatning, millatning va yoki ayrim bir kishining ichki xayoti, ruhiy kechinmalari, aqliy qobiliyati, idrokini mujassamlashtiruvchi tushuncha”, — deb taʼriflaganlar.
Bundan tashqari bir qator olimlarimiz anjumanlarda qilgan maʼro`zalarida “maʼnaviyat — insondagi ahloq-odob, bilim, ilm, imon, ixlos va insoniyat kamoloti uchun ijobiy taʼsir qiluvchi tizim yoki maʼnaviyat — insonning aqliy, axloqiy, ilmiy, amaliy, mafkuraviy qarashlar yigʻindisi hisoblanib, diniy va dunyoviy qarashlarining aks etish darajasidir”, deb taʼrif berib kelmoqdalar. A. Erkayevning fikricha, “Maʼnaviyat — insonning ijtimoiy-madaniy mavjudot sifatidagi moxiyatidir, yaʼni insonning mexr-muruvvat, adolat, toʻgʻrilik, sofdillik, vijdon, or-nomus, vatanparvarlik, goʻzallikni sevish, zavqlanish, yovo`zlikka nafrat, iroda, matonat va shu kabi koʻplab asl insoniy xislatlari va fazilatlarining o`zviy birlik, mushtaraqlik kasb etgan majmuyidir”.
Kurs ishining maqsadi: Oʻzbek xalqi milliy tarbiya tizimining xususiyatlaridan kelib chiqqan holda shaxs maʼnaviyatini rivojlantirish omillari va vositalarining xususiyatlarini aniqlash.
Kurs ishining obyekti: Shaxs maʼnaviyatini rivojlantirish omillari va vositalari yordamida komil inson shaxsini shaqllantirish.
Kurs ishining predmeti: Shaxs maʼnaviyatini rivojlantirish omillari va vositalarini oʻrganib chiqish.
Kurs ishining vazifalari:
1. Mavzuga oid ilmiy nazariy manbalar, ilmiy va oʻquv adabiyotlar, darsliklar hamda ilmiy tadqiqot ishlarini tahliliy oʻrganish.
2. Milliy qadriyatlar asosida milliy oʻzlikni anglashni tarkib toptirish yoʻllari
3. Shaxs maʼnaviyatini shaqllantirishda oila, taʼlim muassasalari va islom dinining oʻrnini aniqlash.