Sharof rashidov nomidagi samaqand davlat universiteti psixologiya nazariyasi va amaliyoti kafedrasi

Xulosa: Psixoanalitik qanday davolaydi? Psixoanalitiklar nevrozlarni psixoterapevtik yo‘l bilan davolashda “Id”, “Men” va “Super-men” orasidagi ziddiyatlarni kamaytirishga yoki to‘xtatishga harakat qilishadi. Oddiyroq qilib tushuntiradigan bo‘lsam, psixoanalitik va mijoz bir xonada yolg‘iz qolishi kerak. Mijoz o‘zini erkin qo‘yib, ko‘zlarini yarim yumgan holda kresloga suyanib yotadi. Psixoanalitik undan xayoliga kelgan barcha fikrlarini va unga azob berayotgan voqea va hodisalarni oqizmay-tomizmay so‘zlab berishni iltimos qiladi. Bu yerda birorta ham sir qolmasligi va bemor uyalmasligi kerak. Ma’noli so‘zlarmi, ma’nosizmi, bemor ularni psixoanalitikka ochib tashlashi shart. Ana shundagina, Z. Freyd ta’biri bilan aytganda, ruhiy poklanish, ya’ni “katarsis” ro‘y beradi va tuzalish jarayoni jadal kechadi. Z. Freydning fikricha, eng muhimi mazkur assotsiatsiyalar ong tomonidan boshqarilmasligi kerak va bemor fikrini erkin ifodalashi zarur. Shu talab saqlangandagina ong ostiga qamalgan xohish-istaklar va ong tomonidan taqiqlangan ziddiyatli muammolar o‘z yechimini topadi. Buning natijasida mijoz yillar mobaynida uni qiynayotgan muammolardan xalos bo‘ladi yoki nevroz belgilari butunlay chekinadi. EROS VA THANATOS Bu ikki kuch, Freydga ko'ra, insonni boshqaradi. Jinsiy energiya hayot energiyasidir. Insonning halokatli tomoni, uning o'zini yo'q qilish istagi haqidagi fikrlar Freydga Birinchi Jahon urushi paytida kelgan. O'zining ancha keksa yoshiga qaramay, Freyd harbiylar kasalxonasida ishlaydi, bir qator muhim asarlar yozadi: Psixoanalizga kirish bo'yicha ma'ruzalar, zavqlanish printsipidan tashqari. 1923 yilda "Men va u", 1927 yilda "Illyuziya kelajagi", 1930 yilda "Sivilizatsiya va undan norozilar" kitoblari nashr etildi. 1930 yilda Freyd adabiy muvaffaqiyat uchun beriladigan Gyote mukofotini oldi. Uning adabiy iste'dodi hatto gimnaziyada ham sezilgani ajablanarli emas. Natsistlar hokimiyat tepasiga kelganidan keyin Freyd Venani tark eta olmadi. Napoleon Bonapartning nabirasi Mari Bonapart uni o'lim xavfidan qutqarishga muvaffaq bo'ldi. Zigmund Freyd Avstriyani tark etishi uchun u Gitlerga katta pul to'lagan. Mo''jizaviy tarzda uning sevimli qizi Anna gestapo changalidan qutqarildi. Oila Angliyada yana birlashdi. Z.Freyd hayotining soʻnggi yillari juda ogʻir kechdi, u jagʻ saratonidan aziyat chekdi. 1939 yil 23 sentyabrda vafot etdi.