Шахс ва жамият ўқитувчи учун услубий қўлланма

Даврлар
Шафқатсизлик оқибатларини чекловчи қоидалар
Қадимги дунё	- Моний қонунлари, Хаммурапи қонунлари; ............................
Ўрта асрлар	- Рицарлик удумлари; диний анъаналар; - Амир Темур Тузуклари; ............................
XVI – XIX асрлар	- Баъзи халқларнинг ёзилмаган анъаналари; - Либер кодекси (АҚШ, 1863 йил); - 1864 йилги Женева конвенцияси; ...........................
ХХ аср	-Жу- Маонинг аскарлар учун қоидалари, Хитой, 1935 йил; - Халқаро инсонпарварлик ҳуқуқи (Қуролли тўқнашувлар ҳуқуқи); ............................

Жадвал тўлдирилгач ҳар бир гуруҳ ўз жавобларини бошқаларга ўқиб эшиттиради. Шундан сўнг янги учта ёки олтита гуруҳ ташкил этилади ва уларга бошқа-бошқа топшириқлар берилади (6 гуруҳ ташкил этилганда битта топшириқни иккита гуруҳга бериш мумкин).

5. 
   Гуруҳларда ишлаш.
   

1 (4)-гуруҳ учун топшириқ:
ХХ асрнинг 90-йилларида Европада юз берган қуролли низоларни сананг ва
уларни шарҳлаб беринг.
2 (5)-гуруҳ учун топшириқ:
ХХ асрнинг 90-йилларида Осиёда юз берган қуролли низоларни сананг ва
уларни шарҳлаб беринг.
3 (6)-гуруҳ учун топшириқ:
ХХ асрнинг 90-йилларида Африкада юз берган қуролли низоларни сананг ва
уларни шарҳлаб беринг.

6. 
   Дарснинг асосий элементлари ҳақида ўқитувчининг тушунтиришлари.
   

Дарснинг асосий тушунча ва ибораларини ўқувчилар қандай тушунишларидан келиб чиқиб, ўқитувчи зарурият бўлса, улар ҳақида қўшимча тушунтириш беради. Бунда тарих, ҳуқуқшунослик ва бошқа ижтимоий-гуманитар фанлардан олинган қизиқарли ва аниқ мисоллар келтиришга ҳаракат қилиш керак.

7. 
   Вазиятлар билан ишлаш. (ўқув қўлланмасининг 295-бети)
   

3 ёки 6 гуруҳ ташкил этилади ва уларга вазиятларни таҳлил қилиш ҳамда уларнинг ХИҲ қоидаларига мос келувчи энг оптимал ечимини топиш таклиф қилинади. Бунда гуруҳлар 1949 йилги Женева конвенциялари тўплами ёки бошқа адабиётлардан фойдаланиши мумкин. Бунда ўқувчилар ХИҲнинг асосий қоидаларига мос келадиган жавобларни топишлари керак (ўқув қўлланмасининг 162-бетига қаранг).
Гуруҳлар ўзларига берилган топшириқларни бажариб бўлишгач, ҳар бир гуруҳ вакили бошқа гуруҳларга ўзларининг фикрларини айтиб беради. Барча гуруҳларга бошқа гуруҳларнинг жавобларини тўлдиришга имкон берилади.

8. 
   Дарсни якунлаш.
   

Дарсни якунлаш ҳамма вақт ва барча ўқитувчи томонидан албатта бажарилиши керак. Ҳар бир ўқитувчи уни турлича амалга ошириши мумкин, аммо у гуруҳларнинг ишини ва алоҳида ажралиб турган ўқувчиларни албатта баҳолаши керак. Имкон қадар фаол гуруҳлар ва фаол ўқувчилар рағбатлантирилиши керак.

9. 
   Уйга вазифа.
   

Ўтилган мавзуни яна бир бор диққат билан ўрганиш ва келгуси дарсда ўтиладиган мавзу материалларини ўқиш. Бунда мавзуга оид қўшимча адабиётларни албатта ўрганиш кераклиги махсус эслатиб ўтилади.