Шахс ва жамият ўқитувчи учун услубий қўлланма

Можаро


Кишилар орасида Гуруҳлар орасида Давлатлар орасида


Уруш


Шафқатсизлик Инсонпарварлик


Оқибатлар
Бу схемани тушунтириш учун гуруҳларга 10 минут вақт ажратилади. Бу вақи ичида ўқувчилар шафқатсизлик ва инсонпарварликка оид мисоллар келтиришади. Улар мисоллар топишда қийналсалар ўқитувчи ўқув қўлланмасидаги мисолларга уларнинг эътиборини қаратади.
Ўқитувчи шафқатсизлик инсонпарварликка қарама-қарши ҳолат сифатида ҳаётда тез-тез учраб туришини таъкидлаб ўтади.

6. 
   Гуруҳларга топшириқ: Спортда ва ҳарбий ҳаракатларда йўл қўйилиши мумкин бўлган шафқатсизлик ва ўта шафқатсизликнинг бир-биридан фарқларини кўрсатинг. Шундан сўнг ўқувчилар 5 ва 6-саволларга жавоб берадилар.
   
7. 
   Ўқувчилар уларга уй вазифаси сифатида берилган ва тайёрланиб келинган "Кишиларнинг ўзаро муносабатларида инсонийлик", "Нодира" ва "Ҳужум" бўлимларидаги матнлар билан ишлаётганларида турли-туман кроссвордлардан фойдаланиш мақсадга мувофиқ, бунда матнларда ишлатилган асосий сўз ва ибораларни ишлатиш зарур.
   
8. 
   Кейин ўқувчиларнинг 11-саволга муносабатлари аниқланади
   
9. 
   Уч ҳукмдорга оид ахборот муҳокама қилинаётганда ўқувчилар 17-саволдан кейинги схемани тўлдиришлари керак.
   

А ёллар можарода


Ожиз, кучсиз жабрланувчи Қуролли жангчи


Ўтмишда ва ҳозирги даврда

Топшириқ бажарилгач ишлатилган мисоллар ва асосларни ўқув қўлланмасидаги фактлар билан солиштириш таклиф қилинади.

10. 
    Ўқитувчи нишон танламайдиган қурол турлари ҳақида қисқача баҳс-мунозара ўтказади. Бунда қуйидагича йўналтирувчи саволлар берилиши мумкин:
    

• 
  Қадимги дунёдаги, ўрта асрлар пайтидаги жангчиларнинг қуроллари қанақа бўлган ва ҳозирги вақтдаги қуроллар қанақа?
  
• 
  Янги қурол турлари кашф қилинишига сизнинг муносабатингиз қандай?
  
• 
  "Нишон танламайдиган" характердаги қуролларга қандай қурол турлари киришини айтиб беринг.
  
• 
  Шу турдаги қуроллар қандай таъсир қилиши ва уларнинг оқибатлари ҳақида нималар дея оласиз?
  

11. 
    Шундан сўнг қадимги дунёдаги ва ҳозирги замондаги урушлар ҳақидаги фильмлардан парчалар кўрсатилади.
    
12. 
    Мавзунинг сўнгги жадвалини тўлдириш учун етарли вақт ажратилиши керак. Бунда ҳар бир ўқувчи топшириқнинг А ва Б қисмларига ўз муносабатини билдириши мақсадга мувофиқ.
    
13. 
    Доскадаги қора ранг олиб ташланади.
    

Ўқитувчи ўтилган дарс мавзусининг якунлари ҳақида хулоса чиқаради ва гуруҳларнинг ишларини шарҳлайди, кейин эса баҳоларни эълон қилади.

14.