Шахс ва жамият ўқитувчи учун услубий қўлланма

9. "Зулматдаги ёруғлик" ("Светить во тьме") видеофильмидан лавҳалар намойиш этилади.
Видеофильмдан лавҳалар намойиш этилганидан сўнг ўқувчиларга 18-савол берилади.
Кейин ўқитувчи Дэвид Донованнинг “Қирол-жангчи: офицернинг Вьетнам ҳақидаги хотиралари” китобидан қўлланманинг 229-бетида келтирилган парчани ўқиб беради.
10. Дарсни якунлаш.
Дарс охирида ўқитувчи ўқувчилардан нималар тушунарсиз бўлганлигини сўрайди ва уларнинг саволларига жавоб беради.
11. Уйга вазифа.
Жанубий Африка Республикасининг собиқ президенти Нельсон Ролихлала Манделанинг (1918 йилда туғилган) фикрлари билан ўқувчиларга ўз фикрларини хулосалашга имкон бериш мумкин. Бу кишини бутун дунё апартеидга қарши курашнинг фаол иштирокчиси сифатида танийди. У 1993 йилда Фредерик де-Клерк (1994 – 1996 йилларда ЖАР Президентининг ўринбосари бўлган) билан бирга апартеид тизимини тугатгани ва ирқчиликсиз демократияга эришгани учун тинчлик соҳасидаги Нобел мукофотига сазовор бўлган.
У ёшлигида Африка Миллий Конгресси партиясининг Ёшлар лигасини тузишда иштирок этган. Кўплаб ирқларнинг вакилларидан ташкил топган бу ташкилот Жанубий Африкада 1912 йилда ташкил топган эди. Бу ташкилотнинг мақсади терисининг ранги оқ одамларгина эмас, балки мамлакатдаги барча кишиларга сайловларда овоз бериш ҳуқуқи берилиши ва ирқий камситишларга чек қўйиш учун курашиш бўлган. Ташкилот умуман олганда тажавузкор бўлмаса ҳам унинг аъзолари 1960 йилдан 1990 йилгача таъқиб остига олинган эди. Нельсон Мандела бир неча бор қамоққа олинган. 1964 йилда у умрбод қамоққа ҳукм қилинган. 1990 йилда у озодликка чиқарилган. 1991 йили Мандела Африка Миллий Конгресси партиясининг Президенти этиб, 1994 йилда эса Жанубий Африка Республикасининг Президенти этиб сайланган.
Африка қитъасининг жануб томонида жойлашган ва Роббен Айленд қамоқхонаси жойлашган кичик оролча кўплаб африкаликлар учун муқаддас ҳисобланади, чунки бу ерда Нельсон Мандела ўз умрининг 28 йилини қамоқда ўтказган. Ҳибсда эканлигида мамлакатнинг бўлажак Президенти шундай деб ёзган эди: "Энг асосийси ХҚХҚ келтираётган яхшилик эмас, балки унинг ёмонликнинг олдини олаётганлигидир."
Манделанинг ушбу фикридан фойдаланиб, қисқача иншо ёзинг, унда асирларнинг ҳаёти ва инсоний қадр-қимматини қандай ҳимоя қилиш мумкинлиги ҳақида фикрларни ёритишга ҳаракат қилинг. Ўз фикрларингизни асирларга нисбатан қилинадиган қоидалар шаклида ифодалашингиз мумкин.