Sh. T. Otaboev t. I. Iskandarov kommunal gigiena

SUV VA SALOMATLIK
Gigiena talablariga javob berish, inson salomatligini saqlash va suv orqali tarqaladigan kasalliklarning oldini olish maqsadida aholi toza suv bilan ta’minlanadi. Bu borada hukumatimiz tomonidan juda katta ishlar amalga oshirilmoqda. Aholini suv bilan ta’minlashda uni suv orqali tarqaladigan turli yuqumli infekciyalardan asrash va suvning kimyoviy tarkibi o’zgarishidan kelib chiqadigan yuqumsiz kasalliklar kelib chiqishining oldini olish eng avvalo ko’zda tutilishi kerak.
Suvning sifati va tabiiy holatining buzilishi, suv tarkibida ko’p miqdorda yuqumli kasallik qo’zg’atuvchi mikroorganizmlarning bo’lishi yoki gijja tuxumlarining ko’payib ketishi inson sog’lig’iga putur etkazishi mumkin.
Suvning tashqi ko’rinipsh, hidi, ta’mi, rangi o’zgarsa, odamda shubha paydo bo’lishi mumkin. Suv tarkibining o’zgarishiga suvga chiqindi suvlar, axlatlar, korxona chiqindilarining tashlanishi sabab bo’dada. Suvga tushgan mikroblar, suv o’tlari, loy va qumlarga o’rnashib qoladi. Bunday suvlarni ichish natijasida yuqumli va boshqa kasalliklar paydo bo’lishi mumkin.
SUVNING YUQUMLI KASALLIKLAR TARQALISHIDAGI ROLI
Suv ichburug’, gepatit, qorin tifi, paratif, diareya kasalliklarining sababchisi bo’lishi mumkin. Tarixga nazar tashlasak, ko’pchilik mamlakatlarda turli yuqumli kasallik epidemiyalari bo’lganligi guvohi bo’lamiz. Bularga ko’pincha suvning yuqumli infekciyalar bilan ifloslanishi sabab bo’lgan.
Keyingi yillarda ichak kasalliklari ko’p tarqalmoqda. Bunda viruslarning roli katta. Sariq kasalligi, poliomielit va boshqa
kasalliklarni keltirib chiqaruvchi viruslar suvda uzoh vaqt yashaydi. Quyidagi jadvalda bunga misol keltiramiz.