Сентябрь Тарбиячининг бир ҳафталик намунавий иш режаси

Эътиборга молик жиҳати: болаларда қидириш қобилиятларини шакллантириш, предметнинг баландлиги, узунлиги, энини билиш, конструкцияга ўзгартиришлар киритиш.
Қурилиш ва конструкциялаш маркази.
“Дарвоза қурамиз”.
Мақсад: болалар тикка ўрнатилган конструкцияларини ўзгартира олади, тўсиқлар ўрнатишни ўрганади, ўйинчоқ хажмига мослаб деталлар танлайдилар, қурилмани тез ва ихчам бузиб тахлай оладилар.
Жиҳоз ва материаллар: ғиштчалар, кубиклар, геометрик шакллар, қутичалар, автомашиналар, фотосуратлар ва расмлар
Фаолиятнинг бориши:

1. 
   Дарвоза расмларини қуриш (паст-баланд, катта-кичик)
   
2. 
   Дидактик ўйин: “Тўғри жойлаштир” -хажми
   
3. 
   Дарвоза қуриш.
   
4. 
   Қурилмаларни ечиш, ўзгартириш.
   

Қўшимча: Қурилмаларни қандай қилиб катталаштириш мумкин. “Дарвозани ўзгартир” ўйини . болалар турли хил хажмда дарвоза қуради. Машинага ўтказиб ёки тургазиб қўядиган ўйинчоқни ўтказадилар.
Эътиборга молик жиҳати: Қурилма намуналарини тахлил қилиш
Сюжет-ролли ўйинлар ва драмалаштириш маркази
Мақсад: Нутқ қоидаларига кўра ўйинли ҳаракатлар қила оладилар, тасаввурдаги объектлар билан ҳаракат қиладилар, предметларни алмаштириб ишлата оладилар, шаҳар, касблар, тренер, кутубхоначи сўзларининг маъносини биладилар.
Жиҳоз ва материаллар: слайдлар, автобуслар, костюмлар, макетлар, ҳайдовчи бош кийими, рул, касса ёзуви, қурилиш моллари.
Фаолиятнинг бориши:
1. Шаҳар ҳақида суҳбат,экскурсия ўтказиш.
2.Стулчалардан автобус ясаш.
3.Спорт мактаби. “Ҳайвонот боғи” бекати (болалар ҳайвонлар расмлари туширилган атребутларни кияди ва мусиқага қараб ҳаракат қилади).
4.Ўйинлар парки бекати .(Арғимчоқ ўйини)
5.Кутубхона бекати.
Қўшимча: “Бизнинг шаҳар” фотосуратларини кўриш, йўл харакати қоидаларини ўрганиш. Кўчаларда сайр қилиш. Парк ходими иши, кутубхоначи, жисмоний тарбия йўриқчисини иши билан танишиш.