Сентябрь Тарбиячининг бир ҳафталик намунавий иш режаси

Жиҳоз ва материаллар: пластилин, ясаш учун клеёнка, стек, салфетка, ўйинчоқлар, схемалар.


Фаолиятнинг бориши:
1. Суҳбат: “Қайси ўйинчоқлар билан кўпроқ ўйнашни ёқтирасиз?”
2. Дидактик ўйин: “Тасвирлаш бўйича топ”.
3. Шеър ўқиш: “Ўйинчоқлар ҳақида”
4. Ижодий устахона: Болалар ёқтирган ўйинчоқни ясайди.
5. Ясалган ўйинчоқлар умумий тахтага қўйилади.
Қўшимча: Ёқтирган ўйинчоқни ўйнаш, ўйинчоқлар ҳақида суҳбат, уларнинг ташқи кўринишини кўриб чиқиш.
Эътиборга молик жиҳати: қўл бармоқлари майда моторикаси ҳаракатларини ривожлантириш.
Санъат маркази
Аппликация “Сўзана”.
Мақсад: болалар тайёр нақшлардан безаклар учун композиция тузишни биладилар, уларни бутун варақда жойлаштирадилар, қайчини тўғри ушлайдилар .
Жиҳоз ва материаллар: рангли қоғоз, оқ қоғоз варақлари, елим, қайчи, гуаш, мўйқалам, схемалар. Сўзана, Мольберт намуналари.

Фаолиятнинг бориши:
1. Турли хил сўзаналарни кўриш (тарбиячи сўзана ҳақида гапириб беради).
2. Сўзана тайёрлаш схемалар ишлатилади.
3. Болалар иши кўргазмаси.
Қўшимча: ўзбек халқи турмуш тарзи билан танишув.
Эътиборга молик жиҳати: болалар бирга ишлаганда ижодига аҳамият бериш,қўл ҳаракатининг майда моторикаси.
Сентябрнинг 2-ҳафтаси.
Менинг шаҳрим – менинг маҳаллам.
Қурилиш ва конструкциялаш маркази.
“Шаҳаримиз кўчаларидаги уйлар”
Мақсад: фотосуратлар, схемалар бўйича қуриш-ясаш ишлари олиб борилади, катта бўлмаган жойларнинг горизонтал ва вертикал холатлари ғишт ва пластиналар билан тўсиқлар ясай олишади. Олд, орқа, юқори, паст, ўнг, чап тушунчаларини билишади. Рангларни фарқлашади.
Жиҳоз ва материаллар: Қурилиш тўпламлари – кубик, геометрик шакллар, модуллар, фотосуратлар, расмлар.
Фаолиятнинг бориши:

1. 
   Ҳар хил кўринишдаги уйлар, иллюстрацияларни кўриш, улар нима учун мўлжалланган.
   
2. 
   Болаларнинг уй қуриш лойиҳалари.
   
3. 
   Дидактик ўйин: “Нима ўзгарди?” Қиёслаш.
   
4. 
   Ҳар хил уйларни конструкциялаш.
   
5. 
   Болалар ишининг муҳокамаси ва уларнинг ижодини рағбатлантириш.
   

Қўшимча: “Мен қаердаман?” ўйини. Болалар ихтиёрий равишда бирор нима қурадилар. ўйинчоқлардан, масалан хўрозча олинади. Хўрозча уйнинг томига қўнади, ичига киради, девор устида юради, ўриндиқ тагига яширинади ва ҳ.к. Мисол қурилмада келтирилади.