Сентябрь Тарбиячининг бир ҳафталик намунавий иш режаси

Қўшимча: болалар нутқини ошириш. Ўзбекистон харитаси билан таништириш.Эътиборга молик жиҳати: атроф оламдаги ўзгаришларга ўз фикрини билдира олиши.
Тил ва нутқ маркази
Ўзбекистон ҳақида шеърлар ёдлаш.
Мақсад: шеър ёдлашади, шеър муаллифини билишади.
Жиҳоз ва материаллар: Ўзбекистон ҳақида фото суратлар ва расмлар
Фаолиятнинг бориши:
1. Ўзбекистон ҳақида суҳбат .
2. Шеърни ўқиш.
3. Ўқилган шеър юзасидан суҳбат ва савол-жавоб
4. Шеърни ёд олиш.
5. Шеърни ёддан айтиб бериш.
Қўшимча : атроф олам ҳақидаги билим ва тасаввурларни чуқурлаштириш, болалар сўз луғатини бойитиш ва фаоллаштириш.
Эътиборга молик жиҳати: интонацияли талаффуз.
Илм-фан ва табиат маркази
Сув билан тажрибалар
Мақсад : сувнинг физик хусусиятларини биладилар ,тасаввур қилиб хулоса чиқарадилар. Атроф-олам билан қизиқадилар.
Жиҳоз ва материаллар: иккита стакан (1тасида сув, 1тасида сут) иккита таёқча, бўёқ ва мўйқаламлар.
Фаолиятнинг бориши :
1.Тажриба. Болалар олдига 1 стакан тиниқ сув ва 1 стакан сут қўйилади. Иккила стаканга ҳам таёқча солинади, қайси бирида таёқча кўринади, қайси бирида таёқча йўқ. Нимага? Олдимиздаги сувли стаканда таёқчани кўрамиз, сутлида эса кўрмаймиз.
Хулоса: сув тиниқ, сут эса йўқ.
2.Тажриба.Сувниниг мазаси борми ёки йўқ? Болаларга сомонча найчадан сув ичишни тавсия қилинади. Мазаси борми? Қиёслаш учун сут ёки шарбат берилади.
3.Тажриба. Сувнинг ҳиди борми ёки йўқ? Болалар сувни ҳидлаб кўриб, ҳиди борми, йўқми айтишади.
4.Тажриба. Сувни шакли борми ёки йўқ? Болалар сувни стакан, хумча, ликобча, стол устига қўядилар. Нима юз беради? Сув қуйилган предмет шаклини олади, текис юзада тўкилиб кетади.


Қўшимча: Сувнинг ҳаёт учун аҳамияти.
Эътиборга молик жиҳати: болаларда атроф-оламни билиш қобилиятини ривожлантириш.
Илм-фан ва табиат маркази