Sanoat ishlab chiqarishini tashkil etish

Ilgari investorlar o‘zlarining diqqatini investitsiyalar uchun odatiy bo‘lgan tavakkalchiliklarda jamlar edi. Masalan:

• 
  investitsiyalarning moliyaviy qaytimi;
  
• 
  siyosiy barqarorlik / samaradorlik;
  
• 
  boshqariladigan sug‘urta siyosati;
  
• 
  rivojlangan moliyaviy tuzilma.
  

Hozirgi paytda investorlar quyidagilarga ko‘proq e’tibor bermoqda:

• 
  korporativ rahbariyat;
  
• 
  ijtimoiy mas’uliyat.
  

Zaif korporativ boshqaruv korporatsiyalarga investitsiyalarning oqimini cheklaydi va oqibatda bu o‘sish hamda rivojlanishni salbiy ta’sir etadi. Korporativ rahbariyatning strategik samaradorligiga ko‘r-ko‘rona ishonish shart emas. Korporativ boshqaruv global kapital uchun kurashishda tobora muhimroq omil bo‘lib bormoqda. O‘z ixtiyori bilan qabul qilingan «Biznes xulq kodeksi» qonuniy va xulqqa muvofiqlikni quvvatlashda rahbariyatni yaxshilash jarayonidagi birinchi qadam bo‘lmoqda.
Korporatsiyalarning moliyaviy siyosati korporatsiyaning umumiy strategiyasining bir bo‘lagi bo‘lib, uning maqsad va vazifalariga to‘g‘ri kelishi lozim.
Korporpatsiyaning rivojlantirish strategiyasi barcha mablag‘larning samarali taqsimlanishi va foydalanishini ta’minlaydi: moddiy, moliya­viy, mehnat resurslari, shuningdek, er va texnologiyalarining raqobotlilik muhitida barqarorlik darajasini saqlaydi (8-rasm).



SHuning uchun, birinchi navbatda, boshqaruvning tezkor shaklini (tahlilsiz qarorlarni qabul qilish) qo‘llangandan ko‘ra, tahlil va bashorat orqali boshqarishni amalga oshirish maqsadga muvofiqdir.
Korporatsiya strategiyasini ishlab chiqish mahsulotni ishlab chiqarish, bozorni rivojlantirish, xatarlarni baholash, korporatsiyalarning moliyaviy xo‘jalik tahlili asosida aniqlangan holati, korporatsiyalarning kuchli va zaif tomonlari bo‘yicha bashoratlarini amalga oshirish asosida tuzilishi lozim (9-rasm). Bizning fikrimizcha, korporatsiyalarning umu­miy strategiyasi korporativ birashmalarning turiga ham bog‘liqdir.