Resurslar, resurslar saloxiyati, yer-suv resurslari, mexnat resurslari, moddiy resurslar, moliyaviy resurslar, intensivlik, yer qaytimi, mehnat qaytimi, fond kaytimi, xarajatlar qaytimi

2.3.-mavzu. Qishloq xo‘jaligida mehnat resurslari va ulardan foydalanish samaradorligi.
Reja:

2.3.1.Mehnat resurslari va mehnat unumdorligining qishloq xo‘jaligidagi ahamiyati. Qishloq xo‘jaligida mehnat va uning turlari.

2.3.2.Mehnat bozori va uning vazifasi. Mehnat resurslari va ishchi kuchi.
2.3.3.Qishloq xo‘jaligida mehnat resurslaridan foydalanish samaradorligini ifodalovchi kursatkichlar, ularni aniqlash tartibi.
2.3.4.Qishloq xo‘jaligida mehnat unumdorligi va uni oshirish yo‘llari.
2.3.5.Qishloq xo‘jaligida mehnat motivasiyasi va xodimlarni moddiy rag‘batlantirish tizimi.
Kalit so’zlar: Resurslar, resurslar saloxiyati, yer-suv resurslari, mexnat resurslari, moddiy resurslar, moliyaviy resurslar, intensivlik, yer qaytimi, mehnat qaytimi, fond kaytimi, xarajatlar qaytimi.Mehnat, yollanma xodim, ish kuchi, mehnat resurslari, mavsumiylik, moddiy ne’mat, ro’yxatdagi xodimlar, qo’nimsizlik, mavsumiy yuklama, mehnat xarajati, notekislik koeffisiyenti. mehnat unumdorligi, iqtisodiy kategoriya, joriy baho, xarid baho, taqqoslama baho, mehnat sig’imi, mehnat qaytimi, funksional bog’lanish, bevosita xarajat, bilvosita xarajat, mehnat sifati, qo’shimcha ko’rsatkichlar
1.Mehnat resurslari va mehnat unumdorligining qishloq xo‘jaligidagi ahamiyati. Qishloq xo‘jaligida mehnat va uning turlari.
Jamiyatning moddiy va ma’naviy boyliklarining manbalari inson mehnati hisoblanadi. Kishilik jamiyatining turli bosqichlarida mehnat boylik yaratuvchi, uni ko’paytiruvchi muhim ishlab chiqarish omili bo’lib kelgan. Shuning uchun asrlar davomida mehnat boylikning otasi deya, qadrlangan va ulug’langan. Respublikamizda mustaqillik yillarida mehnat munosabatlariga oid ko’pgina me’yoriy hujjatlar qabul qilingan bo’lib, shulardan, 1995 yil 21 dekabrda qabul qilingan O’zbekiston Respublikasi «Mehnat Kodeksi»ning 1-bob 8-moddasida mehnatning ulug’vorligi to’g’risida shunday deyilgan:еспубликасирр «Har bir shaxsning mehnat huquqlarini himoya qilish kafolatlanadi, bu himoya mehnat to’g’risidagi qonun hujjatlariga rioya qilinishini tekshiruvchi va nazorat qiluvchi organlar, shuningdek mehnat nizolarini ko’ruvchi organlar tomonidan amalga oshiriladi». Demak, mehnat va uni amalga oshiruvchi shaxs doimo jamiyatning diqqat e’tiborida bo’lar ekan. Bu borada, haqiqatda, mehnatni kishilik hayotining asosiy sharti ekanligini va insonnning o’zining ham kamolotga yetishuvi mehnat orqali amalga oshganligini ta’kidlash joizdir.