Самиғов н. А. Бино

Ғовакли керамик тўлдиргичлар

Керамзит-таркибида кимѐвий боғланган суви кўп бўлган осон эрийдиган гилларни тез қиздириш натижасида кўпчитиб олинган ғовак материал. Гилнинг кўпчишини ошириш учун кўмир кукуни, қипиқ, пирит куйиндилари ва шу кабиларни қўшиш мумкин. Керамзит тайѐрлаш жараѐни керамик материаллар олиш жараѐни сингари бўлиб, керамзит соққачалари аввал тайѐрланиб кейин хумдонда куйдириб олинади ва зарур бўлса керамзит майдаланади. Керамзит соққачалари гранулятор, лентали пресслар ва тешикли валлар ѐрдамида тайѐрланади. Хомашѐ қуритиш барабанларида қуритилгач, айланма печларда 25-45 минут давомида пиширилади.
Керамзит шағали 5-10, 10-20 ва 20-40 мм фракцияларда, қуми эса 5 мм
гача бўлади. Ўртача зичлигига нисбатан керамзит шағали 150, 200, 250, 300,
350, 400, 450, 500, 550, 600, 700 ва 800 кг/м³ маркаларда бўлади. Керамзитнинг цилиндрда сиқилишга синалгандаги маркаси 0,3-5,5 МПа. Сув шимувчанлиги 15-25%, совуққа чидамлилиги 15 цикл. Керамзит енгил бетонлар учун тўлдиргич ва иссиқлик изоляцияси сифатида ишлатилади.

2.25-расм. Замонавий ғишт заводи. Тюрингия ери, Германия.

1 – лой массасини шакллантириш ускунаси; 2 – ғиштни қолиплаш ускунаси; 3 – қуритиш; 4 – ғишт намуналари.

Назорат саволлари

1. 
   Анъанавий керамик буюмлар хом ашѐси таркиби ва хоссалари ҳақида айтиб беринг.
   
2. 
   Анъанавий керамика структураси тўғрисида сўзлаб беринг.
   
3. 
   Анъанавий керамика турларига тавсиф беринг.
   
4. 
   Анъанавий керамик материаллар ишлаб чиқаришнинг асосий жихатларини айтиб беринг.
   
5. 
   Аслига ўхшаш замонавий керамик материалларни тайѐрлаш жихатлари нималардан иборат?
   
6. 
   Таъмирлаш керамик буюмлари қандай таснифланади?
   
7. 
   Керамик буюмлар тайѐрлашнинг пластик, ярим қуруқ, қуруқ ва бошқа усулларини тушунтириб беринг.
   
8. 
   Таъмирлаш деворбоп ғишт ва керамик тош турларини изоҳланг.
   
9. 
   Сирланмаган (терракоталар) ва сирланган (глазурланган) қоплама безак буюмлар ҳақида гапириб беринг.
   
10. 
    Фаянс қоплама безак буюмларини тавсифланг.
    
11. 
    Сир ва ангоб таркиблари ва хоссалари ҳақида айтиб беринг.
    
12. 
    Таъмирлаш керамик материаллари ишлаб чиқаришда чет эллар тажрибаси ҳақида сўзлаб беринг.