Самиғов н. А. Бино

1.9-расм. Тошга қўлда ишлов бериш

Бино ва иншоотларни таъмирлашда анъанавий усулларда ишлов бериб аслига жуда ўхшаш (аналоглар) тош буюмларни яратиш асосий масаладир. Бунда имкон қадар аслига ўхшаш тош буюмларни тайѐрлашни анъанавий усулларга ўта яқин усулларда олиб бориш шубхасиз яхши самара беради. Қуйида табиий тошларга замонавий усулларда ишлов бериш технологиясини кўриб чиқамиз.

1.10-расм. Тошсарой қолдиқлари. Истамбул ш. Туркия

1.11-расм. Тош Қалъа қолдиқлари. Тюрингия ери. Германия.

5. Табиий тошларни замонавий усулларда қайта ишлаш технологияси\

Табиий тош материаллари ва буюмлари тоғ жинсларини турли механик усулларда қайта ишлаб олинади. Буларга майдалаш, ѐриш, арралаш каби бирламчи қайта ишлаш усуллари киради. Хусусий холларда тоғ жинслари портлатиш усулларида қазиб олинади (1.12 - 1.14 - расмлар).

Ишлов бериш усулларига кўра тош материаллар қуйидаги турларга бўлинади: қўпол ишлов берилган (харсангтош, чақиқ тош, шағал ва қум); буюм ва профилли қисмлар; тўғри шаклдаги тош ва блоклар; юзасига ишлов берилган плиталар (девор ва полларни безашда); йўл қурилиши буюмлари (бордюр тошлари, брусчатка) ва бошқалар. Профилли буюмлар (карниз, зинапоя, дераза ости плиталари ва бошқ.) тошга ишлов бериш заводларида фрезерли ва профил берувчи универсал машиналарда тайѐрланади.
Тош юзасини жилолаш шлифлаш станокларида абразивлар (корунд, корборунд, олмос кукунлар ва бошқ.) ѐрдамида, мўйли диск воситасида мастика ва хром, қалай, темир оксидлари кукуни сепилиб амалга оширилади.
Табиий тошларга заводда механизациялашган ва автоматлаштирилган тизимларда ишлов берилади.
Тош юзаси пневматик асбоб ѐрдамида тирналиб (уриб) ѐки абразив усулда силлиқланиб ишланади; тош юзаси тўлқинсимон (қабариқ-чуқур), рифланган, эгатсимон, ғадир-будир (нуқтасимон) кўринишда қайта
ишланиши мумкин. Тошга абразив ишлов бериш қирқиш, фрезерлаш, шлифлаш ва полировкалаш жараѐнларини ўз ичига олади (1.15-расм).