Самиғов н. А. Бино

Тошга ишлов беришнинг анъанавий усуллари

Тарихий манъбалар ва археологик қазишмалардан маълумки, монументал бинолар ва иншоотлар қурилишида ишлатилган тошларга ишлов бериш асосан қўл меҳнати махсули бўлган. Обидаларда табиий тошларни ишлатиш хронологияси тадқиқи кўрсатадики, қадимдан асримизга яқинлашган сари тошларга ишлов бериш усуллари мукаммаллашиб, маҳсулот эса санъат даражасига кўтарилган. Агар, даставвал тошга ишлов беришда асосан ѐриш, текислаш усуллари ишлатилган бўлса, кейинчалик
(эрамиздан аввалги 3-4 минг й.й.) шу билан бирга тошларни тарашлаш, из тушириш (рифление), силлиқлаш, жилолаш, гулини гулига мослаштириш ва ш.к. нозик операциялар бажарилган. Тошларга ишлов беришнинг содда усуллари Миср пирамидалари қурилишида ўз аксини топган. Бунда асосан зич оҳактошлар 8-10 тонналик катта бўлаклар ҳолида синдирилиб, текисланиб, териладиган қисми силлиқланиб, ўта аниқликда терилган. Конда оҳактош бўлаклари қўл кучи ва махсус ричаглар ѐрдамида поналар қоқиш усулида ажратиб олиниб, чаналарда ғўлалар устида ҳаракатлантириб ташилган.

1.8-расм. Тошни йўниш асбоблари

Тошларни тарашлашда ўта мустаҳкам тош, кейинчалик темир асбоблардан фойдаланилган (1.8-расм). Уларни силлиқлаш ва жилолашда қаттиқ ѐғочлардан тайѐрланган асбоблар ҳам ишлатилган. Абразив материал сифатида кварц қумининг турли фракциялари, ѐғоч кули ва ш.к. қўлланилган. Гранит (сиенит, габбро, лабродорит ва бошқ.), мармар каби ўта зич, текстураси чиройли табиий тошларга силлиқлаш, жилолаш, тарашлаш усулида турфа гуллар ва расмлар солиш ва ш.к. ишловлар берилган (1.9-

расм).
Базалт, қумтош, кварцит ва ш.к. ўта зич, аммо текстураси етарли даражада чиройли бўлмаган тошлар одатда жилоланмаган холда ѐки шакл берилган буюмлар сифатида бино ва иншоотларда ишлатилган. Масалан, С. Петербургдаги Нева дарѐси ва кўплаб каналлар қирғоқлари ўта зич харсанг тошлар билан 300 йил аввал қопланган. Германия, Россия, Туркия ва бошқа
мамлакатлар обидалари зич тош материаллардан барпо этилган (1.10 ва 1.11 - расмлар).