Самиғов н. А. Бино

Жамоат бинолари учун конструкциялар

Пойдевор ва биноларнинг ер ости қисми учун темирбетон блоклар, свайлар ва бошқалар ишлатилади.
Пойдевор блоклари М200, М250 ва М300 маркали оғир бетонлардан тайѐрланади. Арматура сифатида силлиқ пўлат тўрлар ишлатилади. Ертўла деворларининг блоклари М100 ва М150 маркали оғир бетондан қуйидаги ўлчамларда тайѐрланади: узунлиги 2500 мм гача, эни 500 мм гача ва баландлиги 700 мм.
Блокларнинг ѐн томонида ертўла деворларини монтаж қилишда фойдаланиладиган ва блокларни монолитлашда ишлатиладиган махсус ўйиқлар (пазлар) қолдирилади. Монтаж ишлари тугагач ўйиқлар кетма-кет цементли қоришмалар билан тўлдирилади.
Ертўла девори блоклари бетонни тежаш мақсадида ичи бўшлиқли ҳолда тайѐрланиши мумкин.
Свайлар кўндаланг кесими 300х300 мм ўлчамли квадрат шаклда ва узунлиги 6-12 м бўлади. Улар М300 маркали оғир бетондан тайѐрланади.
Свай пойдеворлари бино бўш ва ботқоқсимон ерларга қурилганда ернинг тошлоқ қаттиқ қатламигача махсус ускуна ѐрдамида қоқилади. Бунда бинонинг юмшоқ ерда чўкишининг олди олинади.
Жамоат бинолари каркаслари М200-М500 маркали оғир ва ғовак тўлдиргичлар асосидаги енгил бетонлардан темирбетон устунлар, тўсинлар ва бошқалар тайѐрланади. Устунлар узунлиги бинонинг икки қаватига мўлжалланган бўлади. Тўсинлар махсус қуйма деталларни пайвандлаб устунлар билан бириктирилади.
Девор блоклари М50, М100 маркали енгил бетонлардан (_m1200кгм³) яхлит ѐки ичи ковакли қилиб тайѐрланади. Уларнинг ўлчамлари унификациялаштирилган бўлиб, бинонинг сериясига мослаштирилган бўлади. Жамоат бинолари ташқи ва ички деворлари учун панеллар ишлаб чиқарилади.
Зинапоя конструкцияларига зина пиллапоялари, майдончалар, ярим майдончали пиллапоя ва бошқа буюмлар киради. Зина пиллапоялари мураккаб шаклдаги конструкция ҳисобланади, арматура каркаслари ва тўрлари билан арматураланади.
Зина майдончалари ва пиллапоялар М200 ва М300 маркали оғир ва енгил бетонлардан тайѐрланади, юзаси мозаика қоришмалари, керамик плиткалар билан қопланиши мумкин. Зина конструкциялари ўлчамлари биноларнинг типига ва сериясига мос равишда ишлаб чиқарилади. Зина пиллапоя ва майдончалари заводда яхлит ҳолда ишлаб чиқарилиши мумкин.
Жамоат бинолари қурилишида турли мақсадларга мўлжалланган буюмлар-санитария-техника ва вентиляция блоклари, иситиш панеллари, санитария-техника кабиналари, дефлекторлар ва бошқа буюмлар кўплаб ишлатилади.

3.