Самиғов н. А. Бино

Оҳакли бўѐқлар сўндирилган оҳак боғловчиси асосида олинади. Уларнинг сув ушлашлик хусусиятини ошириш учун таркибига калций хлорид, ош тузи, махсус полимерлар киритиш керак. Оҳакли бўѐқларнинг атмосфера муҳитига чидамлилиги юқори эмас.
Цементли бўѐқлар оқ ва рангли цементлар асосида тайѐрланади. Уларнинг сув ушлашлик хусусиятини яхшилаш мақсадида таркибига оҳак- пушонкаси, калций хлорид, полимерлар ва бошқалар қўшилади. Цементли бўѐқлар биноларнинг ташқи томонидан ва намлик юқори бўлмаган хоналарнинг ички томонидан бетон ва сувоқ юзаларни безаш учун ишлатилади.
Силикатли бўѐқлар суюқ шиша таркибида пигментлар ва актив минерал дисперс кукунларнинг (трепел, опока, диатомит ва ш.к.) суспензияси бўлиб, сув муҳитига чидамлидир. Силикатли бўѐқлар билан бино фасадлари безатилади, намлик юқори бўладиган хоналар ҳамда ѐнишдан сақлаш мақсадида ѐғоч конструкциялар ҳимояланади.
Елимли бўѐқлар ҳайвон ѐки ўсимлик елимларининг сувдаги эритмасида пигментлар ва бўр кукуни аралашмасидан ташкил топган. Улар юқори намликка чидамли бўлмагани учун қуруқ ички хоналар сувоқли юзаларини қоплашда ишлатилади.
Казеинли бўѐқлар казеин, пигмент, бўр, оҳак ва бура аралашмасини қурилиш майдонида қайноқ сувда эритиб олинади. Бўѐқ таркибига киритилган оҳак унинг сувга ва атмосфера муҳитига чидамлилигини оширади.
Пастали бўѐқлар. Пастали бўѐқ таркиблари синтетик смола ѐки полимерларнинг сувдаги дисперсияси боғловчилари асосида тайѐрланади.
Бўѐқ таркибига кукун тўлдиргич сифатида цемент, гипс, гипсцемент, гипсцементпуццолан ва бошқалар ишлатилади. Масалан, ―Дефас‖ пастаси таркиби ВД-ВА-17 маркали поливинилацетат бўѐғи, кварц қуми ва маршалит асосида олинади.
Бино ва иншоотларни безашда пастали бўѐқлар асосида бир йўла 1000 мкм қалинликдаги қопламалар олиш мумкин. Пастали бўѐқлар билан бинолар безатилганда сувоқчилик ишларига зарурат бўлмаслиги мумкин. Пастали бўѐқларни юзаларга суркаш ѐки сепишни тўла равишда механизациялаштириш имконияти бор.