Самиғов н. А. Бино

– БОБ. БИНО ВА ИНШООТЛАРНИ ТАЪМИРЛАШ ПОЛИМЕР МАТЕРИАЛЛАРИ

ТАЯНЧ ИБОРАЛАР: ОРГАНИК СИНТЕЗ, ПОЛИМЕРЛАР, ТАБИИЙ ПОЛИМЕРЛАР, СИНТЕТИК ПОЛИМЕРЛАР, ТЕРМОПЛАСТЛАР, РЕАКТОПЛАСТЛАР, ТЎЛДИРГИЧЛАР, ҚОТИРУВЧИЛАР, СТАБИЛИЗАТОРЛАР, ПЛАСТИФИКАЦИЯ, АРХИТЕКТУРА ДЕТАЛЛАРИ, КОНСЕРВАЦИЯ

1. Умумий маълумотлар

Полимер моддалар ва улар асосидаги композициялар тарихий ѐдгорликларнинг заминини мустаҳкамлашда (карбамидли смолалар) пойдеворлар гидроизолясиясида (эпоксид, фенол-формальдегид полимерлари), эски пахса девор ва иншоотларни шимдириш усулида модификациялашда (полиметилметакрилат, полистирол, полиэфир ва бошқа полимерлар) ишлатилади. Обидаларнинг архитектура деталларига айнан ўхшаш буюмларни рангли полимерлар асосида қолиплаб олиш мумкин.
Айниқса, ѐғоч қисмларни намлик ва чиришдан сақлаш учун полимер моддалар билан консервациялаш мақсадга мувофиқдир.
Пластмасса юқори молекулали бирикма –полимер боғловчилар, кукун тўлдиргич ва бошқа ташкил этувчилардан иборат, қотгач пластиклигини тўла ѐки қисман йўқотадиган композицион материалдир. Юқори молекулали моддалар бир неча минглаб, ҳатто юз минглаб атомлардан иборат бўлиб, кўп марта такрорланадиган муайян структуралардан тузилган. Битта макромолекуладаги структура бирлиги сони полимернинг полимерланиш даражаси дейилади. Кам молекулали бирикмалар молекуляр массаси 500 дан кам бўлади.
Келиб чиқишига кўра полимерлар табиий ва сунъий (синтетик) турларга бўлинади. Табиий юқори молекулали бирикмаларга табиий каучуклар, целлюлоза, ипак, оқсиллар, нуклеин кислоталар, жун ва бошқалар киради.
Табиий каучукни олтингугурт билан аралаштирилиб, қиздириш (синтез) усулида (ХIX асрда) резина олинди. 1972 йилда нитроцеллюлозани камфара билан қайта ишлаб целлулоид, яъни пластмассанинг целлюлоза асосидаги биринчи тури тайѐрланди. Шу даврда оқсиллар (казеин) асосида синтез қилиб галалит пластмассаси олинди.
ХХ аср бошида органик хомашѐларни синтез қилиш натижасида юқори молекулали моддалар – полимерлар олинди. Кейинчалик карбамид- формалдегид, фенол-формалдегид, полиэфир ва шу каби полимерлар синтез қилинди. Ўттизинчи йиллардан бошлаб полимерланиш жараѐнининг кўп
жихатлари очилди ва поливинилацетат, поливинилхлорид, полистирол, полиметилметакрилат ва бошқа полимерлар синтез қилинди.

2.