Samarqand transport va muhandislik kommunikatsiyalari

Yong‘inning kelib chiqish sabablari va uning oldini olish
Xo‘jalikda isitish pechlarini qurish yoki ishlatish qoidalarining buzilishi, ishlab chiqarishda yoki uyda olovni ehtiyotsizlik bilan ishlatish, kerosinda ishlaydigan yoritish yoki qizdirish asboblarini noto‘g‘ri o‘rnatish yoki ulardan foydalanish qoidalarini buzish, yashin yoki statik elektr razryadlar, mashinalar va ishlab chiqarish jihozlarining nosozligi hamda ularni ishlatish qoidalariga rioya qilmaslik (ichki yonuv dvigatellaridan chiqadigan uchqunlar, elektr qurilmalaridagi qisqa tutashuvlar yoki ularning yerga ulanib qolishi, elektr simlarida nagruzkaning yo‘1 qo‘yilmaydigan darajada ortib ketishi, kontaktlari yomon bo‘lgan joylarning qizib ketishi va ulardan uchqun chiqishi, bug‘ qozonlarining portlashi), qishloq xo‘jaligi mahsulotlarining yoki yong‘ining o‘z-o‘zidan yonib ketishi yong‘inga sabab bo‘ladi.
Yong‘innning oldini olishda tashkiliy va texnikaviy tadbirlar qo‘llaniladi. Ko‘ngilli o‘t o‘chiruvchi drujinalari yoki yong‘indan muhofazalash drujinalari tuzish, omma orasida tushuntirish ishlari olib borish tashkiliy tadbirlar jumlasiga kiradi. Texnikaviy tadbirlarning ko‘lami keng bo‘lib, ularga quyidagilarni misol qilib keltirish mumkin: yong‘in yoki portlash jihatidan xavfli xonalarga alohida konstruksiyali elektr jihozlar o‘rnatish, nosoz pechlar, mashinalar, elektr jihozlardan, shuningdek, oson alangalanadigan suyuqliklar saqlanadigan yoki ishlatiladigan joylarda olovdan foydalanishni taqiqlab qo‘yish, yashinqaytargichlar o‘rnatish, chiqqan yong‘inning tarqalishiga yo‘l qo‘ymaslik choralarini ko‘rish (obyektlarni o‘tga chidamli materiallardan qurish, binolar orasidagi yong‘inga qarshi oraliqlarga rioya qilish), yonayotgan binolardan odamlar, hayvonlar va qimmatbaho xo‘jalik buyumlarini muvaffaqiyatli ravishda ko‘chirishga imkon beradigan choralarni ko‘rish (kerakli miqdorda eshiklar, zarur kenglikda koridorlar qurish, ularni to‘sib qo‘yishni man etish), yong‘inni o‘chirishni osonlashtiradigan tadbirlarni ko‘rish (yong‘inni o‘chirish narvonlari, yong‘inni kuzatish minoralari, suv havzalari va binolapga kelish yo‘llarini qurish, yong‘in aloqasi hamda signalizatsiyasini o‘rnatish)