Samarqand transport va muhandislik kommunikatsiyalari

SHOHBEKAT, BOSHBEKAT VA ORALIQ BEKATLAR ISHINING TASHKIL QILINISHI VA JIHOZLANISHI

Shahardan tashqariga tashishlarning shiddat bilan rivojlanishi safarda va to‘xtash bekatlarida yo‘lovchilarga yuqori malakali xizmat ko‘rsatish zaruriyatini paydo qiladi.

Safarda yo‘lovchilarga xizmat ko‘rsatish sifati tashish shakli, yo‘lovchilarni manzilga yetkazish tezligi va xizmat ko‘rsatish darajasi bilan aniqlanadi.
Shaharlararo va shahar atrofi yo‘nalishlarida tashishlarning yuqori sur’atda rivojlanishi shohbekat, boshbekat va oraliq bekatlar ishini yaxshi tashkil qilishni taqozo etadi.
Shohbekatlar yo‘lovchilarga xizmat ko‘rsatish va xizmatchi xodimlarni joylashtirishga mo‘ljallangan maxsus binolar majmuasidan tashkil topadi.
Shohbekat majmuasiga quyidagilar kiradi:
—yo‘lovchilarni avtobusga chiqarish va tushirish perroni;

• 
  reys oldidan avtobuslar to‘xtash, tozalash, yuvish, texnik holatini tekshirish, sozlash va mayda ta’mirlash ishlari uchun maxsus zonasi;
  

• 
  yordamchi omborxonalar xo‘jaligi zonasi;
  
• 
  shohbekat oldi maydoni;
  

• 
  chipta xonalari, nozirlik xonasi, ma’lumot xonasi va boshqa zaruriy xonalarni o‘z ichiga olgan shohbekat binosi;
  
• 
  umumiy ovqatlanish va savdo xizmatlari binolari va boshqa inshootlar.
  

Shohbekatlarda tranzit yo‘lovchilar kutish zali, bagaj va qo‘l buyumlarini saqlash xonalari va bolalar xonalari, restoran, mehmonxona, pochta va telefon, haydovchi va pattachilar dam olish xonasi bo‘lishi kerak.
Boshbekatlar shohbekatlardan farqli o‘laroq yo‘lovchilar va xizmatchi xodimlar xonasi uncha katta bo‘lmagan yo‘lovchilarni avtobusga chiqarish va tushirish maydoni, avtobus va yengil avtomobillarning qisqa muddatga to‘xtab turish maydonvdan iborat bo‘ladi.

Oraliq bekatlarda avtopavilonlar tashkil qilinadi. Avtopavilonlar boshbekatlarga nisbatan kichik hajmdagi majmua bo‘lib unda chipta xonasi, yo‘lovchilarni avtobusga chiqarish va tushirish maydoni bo‘ladi. Bosh va oraliq bekatlarda umumiy ovqatlanish shoxobchasi va savdo xizmati tashkil qilinishi mumkin. Shohbekat va boshbekat maydonlari to‘siqlar, yo‘lovchilarning yo‘nalishini va avtobuslarning joylashtirilishini bildiruvchi ko‘rsatkichlar bilan jihozlanadi.