Samarqand transport va muhandislik kommunikatsiyalari

«TIG‘IZ» PAYTLARDA ShAHAR IChI AVTOBUS
YO‘NALIShLARIDA TAShIShNING TAShKIL ETILIShI

Shaharichi avtobus yo‘nalishlarida avtobuslar ishini yaxshilashning muxim masalalaridan biri «tig‘iz» paytlarda aholiga transport xizmatini ko‘rsatishni tashkil qilishni mukammallashtirish hisoblanadi.

«Tig‘iz» paytlarda shaharichi yo‘nalishlarida tashishni tashkil etish uchun dastlab yo‘nalishlar bo‘yicha kun soatlarida va uchastkalarda yo‘lovchi oqimi to‘g‘risidagi ma’lumot to‘planadi. So‘ngra yo‘nalishlar bo‘yicha qoniqarsiz xizmat ko‘rsatilgan joylar aniqlanadi.
Ushbu ma’lumotlar asosida «tig‘iz» paytlarda shaharichi avtobus yo‘nalishlarida yo‘lovchilarga xizmat ko‘rsatish madaniyatini oshirish bo‘yicha tadbirlar rejasi majmuasi tuziladi. Reja o‘z ichiga quyidagi masalalarni oladi:

1. 
   Io‘lovchilar oqimining paydo bo‘lishi va taqsimlanishini tahlil qilish.
   

1. 
   Yo‘nalish tarmoqlarini takomillashtirish.
   

2. 
   Korxonalarning ish boshlash vaqtlarini muvofiqyaashtirish.
   
3. 
   Ko‘cha, yo‘l tarmoqlarini rivojlantirish va yaxshilash.
   
4. 
   Katta sig‘imli avtobuslardan foydalanish.
   
5. 
   Avtobuslar harakatini tashkil qilish usullarini takomillashtirish.
   

7. 
   Markaziy boshqarish sistemasi ishini rivojlantirish.
   
8. 
   Ko‘cha harakatini boshqarish usullarini takomillashtirish.
   

«Tig‘iz» paytlarda avtobuslarda tashiladigan yo‘lovchilar sonining o‘sishi ularga ko‘rsatiladigan xizmat darajasining sifatiga ta’sir ko‘rsatadi. Tashish haqini undirish qiyinlashadi. Avtobusga sarflanadigan texnik xizmat ko‘rsatish va ta’mirlash xarajatlari oshadi.

Aholiga transport xizmatini ko‘rsatish darajasi quyidagi asosiy omillarga bog‘liq bo‘ladi:

1. 
   Tashishni o‘z vaqgida bajarish.
   
2. 
   Tashish uchun vaqt sarfi.
   
3. 
   Tashish qulayligi.
   
4. 
   Harakat xavfsizligi.
   

«Tig‘iz» paytlarda shaharichi avtobus yo‘nalishlarida avtobus yo‘nalishlari xaritasini takomillashtirish, qisqartirilgan, tezlashtirilgan va ekspress reyslarini keng qo‘llash va zamonaviy texnik aloqa vositalarini nozimlik boshqarishida qo‘llab muntazam avtobus harakatini tashkil qilish yo‘lovchilarga xizmat ko‘rsatishning yanada muhim choralaridan xisoblanadi.
«Tig‘iz» paytlarda shaharichi avtobus yo‘nalishlarida yo‘lovchilarga xizmat ko‘rsatishni yaxshilash tadbirlariga quyidagilar kiradi:

1. 
   Harakat intervalini imkoniyati boricha qisqartirish.
   
2. 
   Oxirgi bekatlarda avtobusning to‘xtash vaqtini 1-2 minutga kamaytirish.
   
3. 
   Maxsus smena almashtiruvchi brigadalar ishini tushlik paytlarida tashkil qilish.
   
4. 
   Rezerv avtobuslaridan foydalanish.
   
5. 
   Ish smenalarining tugashiga qarab sanoat korxonalariga avtobuslarni jo‘natib aholi yashash joylarigacha ekspress yo‘nalishlarini tashkil qilish.
   
6. 
   Qisqartirilgan reyslarni kiritish.
   

«Tig‘iz» paytlarda shaharichi avtobus yo‘nalishlaridagi tashishga bog‘liq muammolarni hal qilish shahardagi boshqa turdagi transportlarning harakatlarini muvofiklashtirishga ham bog‘liq bo‘ladi.