Samarqand iqtisodiyot va servis instituti marketing kafedrasi

Nazorat va muhokama uchun savollar:
1. Marketing tadqiqotlari nima?
2. Marketing tadqiqotlarining yo’nalishlarini bilasizmi?
3. Tashqi bozorlarda marketing tadqiqotlari olib borishning qanday xususiyatlari bor?
4. Global marketingda kabinet tadqiqotlari mazmunini ifodalang.
5. Global marketingda kabinet tadqiqotlari ning o’ziga xos xususiyatlari qanday?

4.3-ma’ruza. Global marketingda dala tadqiqotlarini olib borishdagi xususiyatlari
Reja:
1. Global marketingda dala tadqiqotlari.
2. Global marketingda dala tadqiqotlarining o’ziga xos xususiyatlari.


1. Global marketingda dala tadqiqotlari.
M arketing tadqiqotlari tizimi – firma oldida turgan marketing vaziyati bilan bog’liq ma’lumotlar doirasini sistematik aniqlash, ularni to’plash, tahlil qilish va natijalar haqida hisobot tuzishdir.
Firma marketing tadqiqotlarini o’z kuchi bilan yoki ixtisoslashgan tashkilotlar yordamida amalga oshiradi. Yuqorida ta’kidlanganimizdek, marketing tadqiqotchilarining eng tarqalgan vazifalari quyidagilar hisoblanadi: bozor tavsifnomasini o’rganish, bozorning potensial imkoniyatlarini o’lchash, firmalar o’rtasida bozor ulushlarining taqsimlanishini tahlil qilish, sotuv tahlili, ishbilarmonlik faolligi tendensiyalarini o’rganish, raqobatchilar tovarlarini o’rganish, qisqa muddatli bashoratlash, yangi tovar va uning hajmiga reaksiya ni o’rganish, uzoq muddatli bashoratlash, narx siyosatini o’rganishdan iborat.
Odatda marketing tadqiqotlari o’tkazishda birlamchi va ikkilamchi axborot asosida olingan axborotlardan foydalaniladi.
Birlamchi ma’lumotlar muayyan marketing muammolarini hal qilish uchun maxsus o’tkazilgan dala tadqiqotlarining natijasida olinadi; ularni to’plash kuzatuv, so’rov va eksperimental tadqiqotlar yo’li bilan olinadi.
Har qanday dala tadqiqotlari tadqiqotchining birlamchi ma’lumotlarni olishda ishtirokini o’z ichiga oladi. Qaysi ma’lumotni va qanday hajmda olish kerakligi tadqiqotning tuzilgan maqsadi bilan belgilanadi. Shu bilan birga, bu ma’lumotni olish uchun odatda jadvalda keltirilgan usullar qo’llaniladi.
• so’rov;
• kuzatuv;
• sinov;
• taqlid.

№