Samarqand Iqtisodiyot va Servis instituti Iqtisodiyot fakulteti ik-s-119 talabasi Madrimov Musobek G’aniy o’g’lining

Samarqand Iqtisodiyot va Servis instituti

Iqtisodiyot fakulteti IK-S-119 talabasi

Madrimov Musobek G’aniy o’g’lining

“MAKROIQTISODIYOT” fanidan

KURS ISHI

Mavzu: Bozorni davlat tomonidan tartibga solish, maksimal va minimal narxlar.

Reja:

1. 
   Bozor iqtisodiyotini tartibga solish zarurligi va uning amalga oshirilishi to’g’risidagi nazariy qarashlar.
   
2. 
   Iqtisodiyotni davlat tomonidan tartibga solish, uning maqsadi, vazifalari, tartibga solish usullari.
   
3. 
   Bozor muvozanati.
   
4. 
   Maksimal va minimal narxlar.
   

Davlatning iqtisodiyotdagi rolini oshirish haqidagi qarash Djon Meynard Keynsga tegishli. U “Ish bilan bandlik, protsent va pulning umumiy nazariyasi” kitobida iqtisodiy inqiroz va ommaviy ishsizlik davlatning iqtisodiyotga aralashuvini talab qiladi. Shu sababdan davlat monetary va fiskal tartibga solish vositalaridan foydalanib, jamiyatning yalpi talabini rag’batlantirishi va aholining ish bilan bandligini ta’minlash zarur degan g’oyani ilgari suradi.

Davlatning iqtisodiyotdagi rolini cheklash va tartiblashda bozor mexanizmiga ustuvorlik berish masalasi birinchi marta A.Smit tomonidan asoslab berilgan.

A.Smitning iqtisodiyotni tartibga solishning bozor mexanizmi xususidagi 3 ta asosli qoidasi:

1. Bozorni tartibga solishga davlat aralashmasligi lozim. Uning vazifasi tinchlikni saqlash, me`yorida soliqlar belgilash, adolatli sud qilinishini ta`minlash bilan cheklanishi zarur!

2. Bozorni tartibga soluvchi asosiy kuch – bu “ko’rinmas qo’l”, ya`ni talab, taklif va raqobat.

3. Bozor o’z-o’zini boshqaradi. Buni bozor talabi va tovar taklifining o’zaro bog’liqligini ta`minlaydi.