Samarqand davlat universiteti fizika fakulteti umumiy fizika va magnetizm kafedrasi

Фаннинг ўқув режадаги бошқа фанлар билан ўзаро боғлиқлиги ва услубий жихатдан узвий кетма – кетлиги

Ушбу курс 6–7 семестрлардада амалга оширилади. Физика курсини бошқа ўқув фанлари билан боғланишнинг амалга ошириш қуйидаги мақсадларни кўзлайди:

–табиий–илмий билимларнинг диалектик бирлиги асосида табиат ҳақида ягона қарашларни шакллантириш;
–билимларни тизимлаштиришни ташкил этиш;
–ўқувчиларда ҳодисалар, тушунчалар, назариялар орасида ҳар томонлама боғланиш борлигини ўргата олиш кўникмасини шакллантириш;
–ўқувчиларнинг билимларини генерализациялаш-табиат асосий қоидаларнинг умумийлиги, уларнинг табиий-илмий болимларнинг турли соҳалари учун аҳамияти ҳақидаги тасаввурларни ҳосил қилиш.
Физика ва математика курсларининг боғлиқлигини алоҳида ажратиб кўрсатиш. Физика ва кимё, астрономия каби фанларнинг боғлиқлиги.
Физика курсининг жамиятшунослик ва биология, география, меҳнат таълими билан боғлиқлигини, физик ҳодиса, тушунча ва қонунларини кўрсатиб бериш, шунингдек, фанлар билан узвий боғлиқлигини асослаб беришдир.


Фаннинг ишлаб чиқаришдаги ўрни
Талабалар фандан олган билими ўрта мактаблар, академик лицейлар ва касб–ҳунар коллежларида ва Олий таълим муассасаларида дарс бериш жараёнида ёрдам беради.


Фанни ўқитишда замонавий ахборот ва педогогик техналогиялар
Ўзбекистон Республикасида узлуксиз таълим тизимини ислоҳ қилиш мутахассисларнинг янги авлодини юқори касбий маданият, ижодий ва ижтимоий фаоллик, ижтимоий-сиёсий ҳаётга мустақил мослашиш кўникмалари ҳамда истиқбол режаларини белгилаш ва ҳал этиш қобилиятларини шакллантиришга йўналтирилган.
Мазкур вазифани бажаришда замонавий педагогик технологияларга алоҳида аҳамият берилади.
Дидактика ишлаб чиқарган ҳар қандай технология талабаларнинг билиш фаолиятини фаолллаштириш ва таълим самарадорлигини оширишга хизмат қилади. Улар қуйидагилардир:
–дидактик ўйин технологиялари;
–муаммоли таълим технологиялари;
–модулли таълим технологиялари;
–ҳамкорликда ўқитиш технологияси;
–лойиҳалаш технологияси.
Ўқитишда намойиш тажрибалари, ўқув фильмлари виртуал лабораториялар, мультимедиали электрон қўлланмалар, интернет тармоғидан–кўргазмали материаллардан фойдаланиш.
Шунингдек, маъруза, амалий ва лаборатория машғулотларида мос равишда илғор педагогик технологиялардан фойдаланиш тавсия этилади.