Samarqand davlat tibbiyot instituti

Javob.
 
Aspiratsiya qilib olingan qonni reinfuziya qilish kerak. 
Reinfliziya o‘tkazishdan oldin qonning zararsizlanganligiga va gemoliz 
borligiga aniqlik kiritish kerak. Buni yashirin gemolizni aniqlaydigan 
Gempel sinamasini o’tkazish bilan aniqlash mumkin. Reinfuziyaga to‘g‘ri 
keladigan qon qorin bo’shlig’ida 12 soatdan ko’p turmagan bo’lishi kerak. 
Yig‘ilgan qon 8 qavatli dokadan o‘tkaziladi. Qonni barqarorlashtiruvchi 
suyuqlik (stabilizator) o‘rnida geparin yoki standart gemokonservantlar 
ishlatiladi.Yig‘ilgan qonni transfuziyadan oldin izotonik eritma bilan 1:1 
nisbatda aralashtiriladi va 1000 ml qonga 1000 ТВ geparin qo‘shiladi. 
Gemotransfuziya maxsus filtrli qon quyish tizimchasi orqali amalga 
oshiriladi. 

---

O’quv qo’llanma 
120 
6. Proktologiya bo’limiga surunkali bavosildan qon ketish bilan 
kelgan bemorda og’ir darajadagi anemiya aniqlandi. Yurak urishi 
minutiga 80 ta. A/B 120/70 mm sm. ust., gemoglobin 60 g/l. Qizil qon 
elementlarini to’ldirish maqsadida operatsiyadan oldin 360 ml bir guruhli 
eritrositar massa quyildi. Gemotransfuziya o’tkazilganligi haqida qanday 
hujjatlar to’ldiriladi? 
Javob
. 
O’tkazilgan gemotransfuziya amaliyoti kasallik tarixida 
yoziladi. Birinchi o‘rinda gemotransfuziyaga ko’rsatma yoziladi, keyin 
venaga 
yoki 
arteriyaga 
yuborilganligi, 
so‘ngra flakon yoki 
gemokonteyner etiketkasidagi yozuvlar yoziladi. Keyin donor va 
retsipiyentning qon guruhi aniqlanganligi haqida va biologik sinama 
o’tkazilganligi yoziladi. Gemotransfuziyadan so‘ng 3 marta har soatda 
tana harorati, yurak urishi va qon bosimi aniqlanadi. Bir kundan so‘ng 
bemorga umumiy qon va peshob tahlili o’tkasish zarurligi hamda qonning 
gemotokrit ko’rsatkichi aniqlanishi yoziladi. 
7. Bemor 31 yoshda, qon guruhi O(I), homilani erta tushish xavfi 
diagnozi bilan (homiladorlik 26-27 hafta) tuman kasalxonasiga 
yotqizilgan. Postgemorragik anemiya og’ir darajasi va septisemiya 
aniqlangan. Bachadon ichi tozalangan. Bemorga xatolik bilan B(III) 
guruh qon quyilgan. 100 ml qon quyilgandan so‘ng bel sohasida og’riq 
paydo bo’lgan va gemotransfuziya to'xtatilgan. 15 minutdan so‘ng 
bemorning ahvoli og’irlashgan: teri oqarib, akrosianoz, terlash, 
talvasalanish rivojlangan. Yurak urishi minutiga 96 marta, A/B 75/40 mm 
sm. ust. Bemorning ahvoli qanday gemotransfuzion asorat sababli 
yomonlashgan? Qanday davolash choralari qo’llanilishi kerak?