Samarqand davlat tibbiyot instituti

7. Individual moslik bo‘yicha sinama o’tkazish 
Individual 
moslik 
sinamasi 
gemotransfuziyani 
o’tkazishga 
tayyorgarlik ko‘rishda amalga oshiriladi. Bu sinama quyidagi ikki xil 
reaksiya bo’yicha o’tkaziladi: ABO tizimi va rezus-mansublik bo’yicha 
individual moslikka sinama tekshiruvi. Reaksiyani o’tkazish uchun 
oldindan retsipiyent vena qon tomiridan olingan qon quyqa va zardobga 
ajratiladi (tinitib qo‘yish yordamida yoki sentrifuga vositasida). 
a). 
ABO tizimi bo‘yicha individual moslikka sinama
. 
Bunda 
likopcha yoki plastinka yuzasiga retsipiyent qoni zardobidan katta bir 
tomchi (0,1 ml) va gemokonteynerdagi donor qonidan kichik bir tomchi 
(0,01 ml) tomiziladi va ular vaqti-vaqti bilan likopcha (plastinkani) 
chayqatilib, aralashtiriladi. Reaksiya 15-25°C harorat sharoitida 
o‘tkaziladi va uni 5 minutdan so'ng baholash mumkin. Bunda donor 
eritrositlarining agglyutinatsiyasi bo’lmasa, donor va retsipiyentlar qoni 
ABO tizimi bo‘yicha o‘zaro mosligidan dalolat beradi. Aksincha, 

---

K.M. Abdiyev, U.D. Dadajanov, A.G. Madasheva
87 
agglyutinatsiyaning ro‘y berishi ularning o‘zaro nomuvofiqligidan darak 
beradi, bunday qonni bemorga quyish mumkin emas. 
b). 
Rezus-mansublik bo‘yicha individual moslikka sinama 
o’tkazish.
 
Donor va retsipiyent qonining ABO tizimi bo'yicha o‘zaro 
mosligi aniqlangan taqdirda, ularning qonini rezus-mansublik tizimi 
bo'yicha o‘zaro muvofiqligini tekshirish lozim. Rezus-mansublik tizimi 
bo‘yicha individual moslikka sinama quyidagi ikki variantda amalga 
oshirilishi mumkin; 
 
14-rasm. 
Individual moslikka sinama.
 
1.
33% li poliglyukin yordamida sinama o’tkazish; 
2.
10% li jelatin yordamida sinama o’tkazish; 
Klinikada eng ko‘p foydalaniladigan vosita poliglyukin hisoblanadi.