Samarqand davlat tibbiyot instituti

9. Gemotransfuziyani o’tkazish 
Biologik nomuvofiqlik aniqlanmagan qonni tomchilab quyish 
boshlanadi. Transfuziyadan oldin quyiladigan qon solingan idish 30-40 
minut davomida xona haroratida saqlanishi lozim, shoshilinch holatlarda 
esa uni suv bug‘i yordamida 37°C haroratga (termometr yordamida 
nazorat qilib turiladi!) isitiladi. 
Qon quyish bir marta ishlatiladigan filtrli qon quyish tizimchasi 
yordamida, odatda 1 minutida 40-60 tomchi tezligida o’tkaziladi. 
Gemotransfuziya jarayonida bemorning ahvolini nazorat qilib 
borish davom etadi: shikoyatlar bor-yo‘qligi so‘raladi, yurak urishi 
tezligi, arterial bosim va tana harorati o'lchanadi, teri qoplamlari rangi 
kuzatib boriladi. 
Qon quyish tugagach, quyilgan suyuqlikning qoldig‘i (15 millilitrga 
yaqin) bilan u solingan idish va retsipiyent zardobi 2 sutka davomida 
muzlatgichda saqlanadi. Bu agarda keyinchalik gemotransfuziya asorati 
kelib chiqadigan bo’lsa, ularning tahlilini o’tkazish uchun kerak bo’ladi. 
Tegishli hujjatlarni to’ldirish. 
Gemotransfuziya o’tkazgan 
shifokor kasallik tarixiga transfuziya sabablari ko'rsatilgan qisqa epikriz 
yozadi. 
Transfuziya tugatilgach, shifokor bemorning kasallik varaqasiga 
quyidagilarni ko‘rsatgan holda qon quyish bayonnomasini to‘ldiradi: 
3.
transfuziyaga sabab bo‘lgan holatlar; 
4.
ishlatilgan har bir qon solingan idishning pasport ma’lumotlari: 
donor familiyasi, qon guruhi, rezus-mansubligi, idish raqami, qonni 
tayyorlash sanasi; 
5.
retsipiyent va donorning qon guruhlari va Rh-mansublik 
ko‘rsatkichlari; 
6.
retsipiyent va donorning qon guruhlari va Rh- mansublik 
bo‘yicha o‘zaro muvofiqligi yuzasidan o’tkazilgan individual sinama 
natijalari; 
7.
biologik sinama natijasi; 
8.
reaksiya va asoratlar vujudga kelgan-kelmaganligi; 

---

K.M. Abdiyev, U.D. Dadajanov, A.G. Madasheva
91 
9.
qon quyish sanasi, qon quygan shifokor familiyasi va uning 
imzosi. 
Bemorning kasallik tarixiga doir asosiy ma’lumotlar keltirilgan 
tegishli yozuvlar (F.I.SH., yoshi, qo‘yilgan kasallik diagnozi, kasallik 
tarixi raqami) ham shifokor tomonidan maxsus “Qon, uning tarkibiy 
qismlari va dori vositalarini quyishni qayd qilish kitobi”ga kiritiladi.