Samarqand davlat tibbiyot instituti

2-rasm. 
Agglyutinatsiya- eritrositlarning bir- biriga yopishishi.
 
Hammasi bo‘lib 6 ta tomchi, har biri 3 tomchidan ikki qator qilib 
quyidagi tartibda chapdan o‘ngga qilib terib qo‘yiladi: O(I), A(II), B(III). 
Tekshirish o‘tkazish uchun qon bemorning barmog‘i yoki vena 
tomiridan olinadi. Tekshirilayotgan qondan 6 tomchi 0,01 ml (kichik 
tomchi), taxminan to‘g‘nog‘ich uchi kattaligida olinib, ketma- ket 
ravishda quruq shisha tayoqcha bilan plastinkadagi 6 ta standart zardoblar 
(tekshirilayotgan qonning miqdori u aralashtiriladigan standart zardoblar 

---

O’quv qo’llanma 
56 
miqdoriga qaraganda taxminan 10 marta kam bo‘lishi lozim) yoniga 1 
tomchidan tomiziladi. Keyin ular uchi dumaloq shisha tayoqchalar 
yordamida ehtiyotkorlik bilan aralashtiriladi. 
Bunda quyidagi oddiyroq usuldan ham foydalanish mumkin: 
tarelkaga bitta katta qon tomchisi tomiziladi va keyin undan buyum 
shishasi uchi bilan har zardob tomchisiga tegishli miqdorda olib 
ko‘chiriladi va shisha tayoqcha yordamida ular ehtiyotkorlik bilan 
aralashtiriladi. Bunda har safar qon shisha tayoqchaning yangi, qon 
tegmagan uchi bilan olinishi va ushbu tomchilar aralashib ketmasligini 
nazorat qilib turish lozim. 
Aralashtirilgandan so‘ng vaqti-vaqti bilan likopcha chayqalib 
turiladi. Bunda agglyutinatsiya dastlabki 10-30 soniyada boshlanadi. 
Biroq kuzatuvni 5 minutgacha olib borish lozim, zero birinchi 
ko‘rsatilgan muddatdan ham kechroq agglyutinatsiya yuz berishi 
mumkin. Masalan, A
2
(II) guruhiga xos eritrositlarning agglyutinatsiyasi. 
Agglyutinatsiya yuz bergan tomchilarga bir tomchidan natriy 
xloridning izotonik eritmasi tomiziladi, so‘ngra reaksiya natijasi 
baholanadi. 
v) Natijalarni talqin qilish
. 
Agglyutinatsiya reaksiyasi ijobiy yoki 
salbiy bo‘lishi mumkin.