Samarqand davlat tibbiyot instituti

4. Qon guruhini aniqlash usullari 
Qon 
guruhlarini 
aniqlash 
eritrotsitlarning 
agglyutinatsiya 
reaksiyasiga qarab, izogemagglyutinatsiya beruvchi standart qon zardobi 
yoki monoklon antitanachalar, hamda standart eritrotsitlar yordamida 
aniqlanadi. Qon guruhiga mansublikni aniqlash borasida quyidagicha 
umumiy qabul qilingan tartib mavjud. 
Xususan, statsionar shifokori reja bo‘yicha tekshirishda standart 
izogemagglutinlanuvchi qon zardobi yoki soliklonlar yordamida 

---

O’quv qo’llanma 
54 
aniqlaydi. So‘ngra, qon tahlilini qon guruhini kesishma usulda tekshirish 
uchun serologik laboratoriyaga jo‘natadi. 
Statsionar shifokori olgan natija faqat laboratoriya tomonidan 
tasdiqlanganda, qon guruhi aniqlangan hisoblanadi. Tekshirishlar 
natijalari bir-biriga to‘g‘ri kelmasa, ikkala tekshirishni ham qaytarish 
zarur bo‘ladi. 
Shoshilinch sur’atda qon guruhini aniqlash zarurati tug‘ilganda (qon 
ketishida zudlik bilan qon quyish lozim bo‘lganda), statsionar shifokori 
qon guruhini o‘zi aniqlaydi (qayta tekshirish laboratoriyada ham 
o‘tkaziladi, lekin ushbu holatdan keyin). Bunday holatlarda yana 
izogemagglutinlanuvchi qon zardobi (yoki soliklonlar) yordamida 
tekshirish usulidan ham foydalaniladi. Lekin imkoni bo‘lganida kesishma 
usuldan foydalanilishi maqsadga muvofiq. 
Hozirgi vaqtda ABO tizimi bo’yicha qon guruhlarini aniqlash 
quyidagi usullar yordamida o’tkaziladi: 
1. Standart qon zardoblari yordamida aniqlash; 
2. Standart eritrotsitlar yordamida aniqlash; 
3. Kesishgan (qaychisimon) usul bilan aniqlash; 
4. Monoklon (soliklon) antitanacha (anti-A va anti-B) orqali 
aniqlash. 
Qon guruhini standart izogemagglutinlanuvchi zardoblar 
yordamida aniqlash
. 
Ushbu usul klinik va laboratoriya amaliyotida eng 
ko‘p tarqalgan usul hisoblanadi. 
Ushbu 
usulning 
mohiyati 
shundaki, 
standart 
izogemagglutinlanuvchi qon zardobi yordamida tekshirilayotgan qonda A 
va В guruh antigenlarini aniqlash lozim. Ushbu maqsadda agglyutinatsiya 
reaksiyasi ishlatiladi. Reaksiya yaxshi yorug'likka ega xonada 15-25°C 
harorat sharoitida o'tkaziladi.