Самарқанд вилоят Ҳокимлиги самарқанд давлат университети

Бодринг зараркунандалари
Оққанот, шира, трипс, барг кемирувчилар, ўргимчаккана ва бошқа зараркунандаларга қарши.
1. Кам заҳарли бўлган олтингугурт кукуни бодринг экилган жойга майда-майда 0,5 кг дан 6 сотихли томорқанинг 4 жойига уюмлар қилиб қўйилади. Олтингугурт иссиқда ёнади ва ҳидига зараркунанда ҳашаротлар ўлади. Иссиқхоналар очилишидан олдин оққанот учиб чиқмаслиги учун берилган кимёвий препаратлар билан ишлов берилади. Олтингугурт кукунининг 1 кг нархи 15 минг сўм.
2. Кимёвий препаратлар ўсув даврида барглар бужмайиб орқа томонида битлар пайдо бўлганда фақат бир марта пуркалади: Айкидо -5% ли эм.к. 1 литри 75минг сўм. 10 литр сувга 10 мл дори қўшилади; Дельтарин-2,5% эм.к. 1 литри 120 минг сўм. 10 литр сувга 7 мл дори қўшилади. Ҳосил йиғиштиришга 30 кун қолганда дорилаш тўхтатилади.


Бодринг (ун-шудринг, мильдю, антракноз) касалликларига қарши
1. Олдини олиш учун учун кам заҳарли сувда ҳўлланувчи олтингугурт билан пуркаш керак. Тайёрлаш усули юқорида берилган.
2. Кимёвий кураш. Берилган кимёвий препаратлардан бирортаси поя ва баргларни унсимон оқ ғубор қоплаб олганда бир марта пуркалади: Шайн 10% эм.к. 1 литри 150 минг сўм. 20 литр сувга 10-15 мл дори қўшилади; Азоксифен 32.5%. 20 литр сувга 10-15 миллилитр қўшилади. 1 литри 400 минг сўм; Коназол-25% 20 литр сувга 10 мл дори қўшилади. 100 грами 40 минг сўм.
Бодроқ маккажўхори зараркунандалари

1. Биологик кураш. Бодроқ маккажўхори султон чиқариб руваклар ривожлана бошлаганда биолабораториядан трихограмма олиб келиб томорқага 5Х5 метр схемада қоғоз бўлакчаларида тарқатилади. Яна 20 кундан кейин биолабораториядан бракон олиб келиб қўйилади.
2. Кимёвий кураш. Берилган препаратлардан биронтаси ўсув даврида маккажўхори барглари ва гул рувакларида қуртлар пайдо бўлганда пуркалади: Айкидо -5% ли эм.к. 1 литри 75минг сўм. 10 литр сувга 6,5 мл дори қўшилади; Вап-Малатион 57% э.к. 1 литри 110 минг сўм. 20 литр сувга 30 мл дори қўшилади. Маккажўхори барглари шира битлари билан қоплана бошлаганда.