Самарқанд вилоят Ҳокимлиги самарқанд давлат университети

Ток
1. Токларга кузда (барглар тўкилгач) ёки эрта баҳорда (куртаклар ёзилмасдан олдин) 3%ли Бордос суюқлиги ёки 2-3%ли темир купороси пуркалади.
2.Токни очишда кунда атрофини асосий илдизгача очиб қўйиб, саратонда кўмиб чиқиш зарур.
3. 15-20 апрелда токни бачки новдалардан тозалаш керак.
4. Токнинг зараркунандаларига (ток канаси, комсток ва унсимон қуртлар) қарши биринчи марта ток новдаларида куртак пайдо бўлгунча, иккинчи марта барг пайдо бўлганда ва учинчи марта ток шингил ҳосил қилганда қуйидаги препаратларнинг биронтаси билан: Вап-Малатион 20 литр сувга 6,5 мл дори қўшилади. 1 литри 110 минг сўм; Эмперия 10%, бир гектарга 0,15-0,20 кг. 100гр 38 минг сўм; Дельтарин-2,5% 10 литр сувга 10 миллилитр қўшилади. 1 литри 110 минг сўм ишлов бериш тавсия этилади.
5. Милдью (сохта ун шудринг), оидиум (ун шудринг), антрокноз касалликларини даволаш ва олдини олиш учун қуйидаги препаратларнинг биронтаси билан барглар ҳосил бўлгандан кейин ҳар 15-20 кунда бир марта жами 3 марта ишлов бериш керак: Импульс-25%, 10 литр сувга 5 мл дори қўшилади. 1 литри 150 минг сўм; Шайн 10% эм.к. 10 литр сувга 10 мл дори қўшилади. 1 литри 150 минг сўм; Вакомил МЗ. 20 л сувга 100 грамм. 1 кг 180 минг сўм; Крезоксин 20 литр сувга 10 грамм қўшилади. 200 граммли идишда қадоқланади. 1 гектарга 200 грамм сепилади. Нархи 120 минг сўм; Алтис премер SС. Сарф меъёри 1,0-1,5л/га. 1 литри 230 минг сўм; Азоксифен 32.5%. Суспензия. 0.5л 220 минг сўм. Ёки буларнинг ўрнига кам заҳарли, арзон бўлган Бордос суюқлигини ҳар 15 кунда пуркаш, ёки 1% коллоид олтингугурт 5 марта пуркаш лозим. Кимёвий ишлов беришлар ғужумлар юмшай бошлашидан ёки ҳосил пишишидан 30 кун олдин тўхтатилади.
6. Токнинг касалликларга чидамлилигини ошириш, ҳосилдорлини кўпайтириш ва сифатли узум олиш учун узумбошлар тўлиқ шаклланиб бўлганда бир марта қуйидаги микроэлемент ва биостимуляторларнинг биронтасидан сепиш мумкин: Биогранд. 20 литр сувга 20 грамм эритилади. 1 кг 150 минг сўм; Фертивап-плюс. 20 литр сувга 20 грамм эритилади.1 кг 160 минг сўм.