Самарқанд вилоят Ҳокимлиги самарқанд давлат университети

ПЕСТИЦИДЛАР БИЛАН ИШЛАШНИ ТАШКИЛ ЭТИШ ВА ТЕХНИКА ХАВФСИЗЛИГИ
Хонадонларда пестицидлар (заҳарли дорилар) билан иш олиб борилганда техника ҳавфсизлиги қоидалари. 18 ёшгача бўлган болалар, ҳомиладор аёллар, эмизикли оналарга заҳарли дорилар (пестицид) билан ишлаш рухсат этилмайди. Пестицидлар билан ишлаш муддати 6 соат, кучли таъсир этувчи пестицидлар билан ишлаш муддати эса 4 соат қилиб белгиланади. Пестицидлар билан иш олиб боришда шахсий ҳимоя қилиш воситаларини тўғри танлаш шарт.
Нафас олиш аъзолари, тери ва кўзни ҳимоя қилиш воситалари. Нафас олиш аъзоларини пестицидлардан ҳимоя қилиш учун қуйидаги: противогаз респираторлар РПГ 67, универсал респираторлар РУ 60м қутиси алмаштирилиб туриладиган саноат противогазлари, чанг ушлаб қоладиган /Ф 62Ш,У 2К,Лепесток 200, Лепесток 5, Астра 2 респираторлардан фойдаланилади.
Кўзни пестицидлардан ҳимоя қилиш учун чангдан сақланадиган ПО 3 “Моноблок” маркали, 33М бц маркали зич қилиб беркитиладиган ҳимоя қилувчи кўзойнаклар тақилади. Кукунсимон пестицидлар билан ишлаш вақтида уларни қадоқлаш, чанглагичларга солиш, ўсимликларни чанглаш, уруғларни дорилаш ва экиш махсус чанг ўтказмайдиган молескин типидаги кийимлар, брезент кийимлар, усти плёнка билан қопланган пахта толали қўлқоплардан фойдаланилади.
Суюқ эритмали заҳарлар билан ишлаш вақтида эритма тайёрлаш, пуркагич аппаратларга солиш, пуркаш, уруғларни дорилаш ва экин экишда кислотадан ҳимоя қиладиган эритма билан шимдирилган, пахта толасидан тайёрланган махсус кийимлар, махсус резина оёқ кийимлари, резина қўлқопларидан фойдаланиш тавсия этилади. Медицина қўлқопидан фойдаланиш ман этилади.
Ишдан кейин кўзойнак, респиратор, комбинзон ечилади ва қўлқоп қайтадан зарарсизлантирадиган эритмалар билан ювилади ва ечилади.
Респираторлар ва противогазларнинг резина қисмларини қуйидаги таркибли 25г совун, 1л. сув, 5г. Сода эритмада ювилади, пахтага спирт ёки 5% ли нордон калий марганец эритмаси билан зарарсизлантирилади ва қайтадан иссиқ сувда ювиб қуритилади.
Ифлосланишига қараб махсус кийимлар ҳар 6 иш куни ичида бир марта ювилади