Самарқанд вилоят Ҳокимлиги самарқанд давлат университети

7. 20-22 июлларда фақат зараркунанда ҳашаротларга қарши юқоридаги дориларнинг биронтасини ишлатинг. Касалликка қарши ишлов бериш шарт эмас. Ҳосил йиғиштиришга 30 кун қолганда дорилаш тўхтатилади. Олма олтин бўлса ҳам пўстини арчиб истеъмол қилинг!
Э С Л А Т М А
Ёзда дарахтларни куйдириб қўймаслик учун эрталаб соат 10⁰⁰ гача ёки кечқурун соат 17⁰⁰ дан кейин дори пуркалади. Дарахтнинг поя ва барглари тўлиқ намланиши керак. Дорилангандан кейин 4 соат давомида ёмғир бўлмаслигини эътиборга олиш лозим. Дорилашда ҳеч қачон дозасини ошириб қўлламанг. Кўрсатилган муддатида ишлатинг. Нотўғри ишлатилган препарат учун дорихона ва тавсия этувчилар жавобгарликни ўз зиммасига олмайди.
Бордос суюқлигини тайёрлаш қоидаси
Бордос суюқлигини уй шароитида тайёрлаш мумкин. Бунда 3% ли Бордос суюқлиги тайёрлаш учун метал бўлмаган идишда 5 литр сувга 300г мис купороси эритилади, бошқа метал идишга 2 литр сувга 300г оҳак сўндирилади. Сўндирилган оҳакдан тошларини олиб ўлчаб кўринг, неча грамм чиқса яна шунча оҳак солиб эритинг ва оҳакли сувнинг миқдорини ҳам 5 литрга етказинг. Кейин оҳакли сув докадан сизилади. 20 литрлик пластмасса идишга оҳакли сув қуйилади. Мис купороси эритмаси оҳакли сув устига аста секинлик билан оз-оздан қуйилиб, эритма таёқ билан аралаштирилиб турилади. 10 литрлик эритма тайёр бўлгандан сўнг эритмага кўк лакмус қоғозини ботириб кўринг, қоғоз қизармаса демак дори тўғри тайёрланган бўлади. Агар қоғоз қизарса яна 50-60 грамм оҳакни сўндириб сувини эритмага қўшиб юборинг. Тайёрланган дори фақат тайёрланган куни ишлатилиши шарт. 3% ли Бордос суюқлиги фақат дарахтларнинг тиним даврида (кеч кузда ёки эрта баҳорда ) пуркалади. Ўсув даврида 1%ли эритма пуркалади. Бунинг учун 100 грамм мис купороси ва 100 грамм оҳак олинади ва юқоридаги тартибда 10 литрлик дори тайёрланади. Бордос суюқлиги кам заҳарли ҳамда арзон бўлиб, мева-сабзавотларнинг парша, ун-шудринг, токнинг оидиум, мильдю ва бошқа кўпгина касалликларига қарши ишлатилади.