S. M. Masharipov X. S. Tadjiyeva tibbiy kimyodan amaliy mashg’ulotlar uchun darslik

Nazorat savollari:

1. 
   Tibbiy kimyoning vazifalari nimadan iborat?
   
2. 
   O’qishga ilmiy yondashish bosqichlarini sanab va ta’riflab bering
   
3. 
   Biogen elementlarning ta’rifini bering
   
4. 
   Organizmning biogen elementlarini atrof muhit bilan bog’lab bering
   
5. 
   Elementlarning sinergistik va antoganistik ta’sirini ta’riflab bering
   
6. 
   Biogen elementlarni turlarga bo’lib ta’riflang
   
7. 
   Biosfera tushunchasiga ta’rif bering
   
8. 
   Biogeokimyo nimani o’rganadi?
   
9. 
   Biogeokimyoviy provinsiya deb nimaga aytiladi?
   
10. 
    Endemik kasalliklarni sanab va ta’riflab bering
    
11. 
    Kasb kasalliklarni sanab va ta’riflab bering
    
12. 
    Kimyoviy idishlarni nomlab, ishlatilishini ta’riflang
    

Amaliy mashg’ulot № 2
Biogen elementlar kimyosi
Tirik organizmdagi hayotiy jarayonlarda bevosita ishtirok etuvchi yoki shu moddalar tarkibiga kiruvchi elementlar biologik faol yoki biogen elementlar deb ataladi. Biogen elementlarning sinflanishi ularning elektron tuzilishi, organizmdagi miqdori, bajaradigan vazifalarining ahamiyati va boshqa qator tushunchalarga asoslangandir. Biogen elementlar elektron tuzilishi bo‘yicha s, p va d elementlarga ajratiladi.
Organizmdagi miqdori bo‘yicha biogen elementlar quyidagicha sinflanadi:
Makrobiogen elementlar — organizmdagi umumiy miqdori 1% va undan ortiq bo‘lgan elementlar. Bularga O, C, H, N, Ca, P misol bo‘ladi;
Oligobiogen elementlar — organizmdagi miqdorlari 0,01—1% ni tashkil etadigan elementlar. Bunday elementlarga Mg, Fe, K, Na, Cl, S kiradi; ,