С. А. Эгамбердиева молекуляр

 
Трансген сичқонлар: методология 
Сут эмизувчилар, пашшалар ва баъзи ўсимликларнинг 
эмрионал ҳужайраларига генларни киритиш усуллари ишлаб 
чиқилган. Амфибияларнинг анча йирик тухум ҳужайралари билан 
ишлашдан генетик жиҳатдан энг ўрганилган сут эмизувчи бўлган 
сичқонларнинг тухум ҳужайралари ва эмбрионларини ўрганишга 
ўтилди. Трансген технологиялар лаборатор сичқонларда ишлаб 
чиқилди ва такомиллаштирилди. 1980 йилларнинг бошидан бошлаб 
сичқонларнинг турли хил қаторларига юзлаб генлар киритилди. 
Ушбу тадқиқотлар генларни бошқариш ва ўсмалар ривожланиш 
механизмлари, иммунологик спецификлик табиати, ўсиш ва 
ривожланишнинг молекуляр генетикаси, бошқа фундаментал 
биологик жараёнларни аниқлаш имконини берди. Трансген 
сичқонлар дори воситаларини кенг кўламда синтезлаш имкониятини 
тадқиқ қилишга, шунингдек, инсоннинг турли хил касалликларини 

---

153 
моделлаштириш имконини берадиган трансген қаторлар яратишга ўз 
ҳиссаларини қўшдилар. Сичқонларга бегона ДНКни киритиш турли 
хил усуллар билан амалга оширилади: 1) урғочи-реципиентга 
эмбрионни имплантациялашдан олдин эмбрион ҳужайралари 
ривожланишининг эрта босқичларида инфекция юқтирувчи 
ретровирус векторлари ёрдамида; 2) катталаштирилган спермий 
ядросига (эркак пронуклеуси) уруғлантирилган тухум ҳужайра 
микроинъекцияси билан; 3) ривожланишнинг эрта босқичларида гени 
ўзгартирилган 
эмбрионал 
ўзак 
ҳужайраларни 
олдиндан 
имплантацияланган эмбрионга киритиш билан. 
Ретровирус векторларидан фойдаланиш 
Ретровирус векторларидан фойдаланишга асосланган усулнинг 
трансгенознинг 
бошқа 
усулларидан 
устунлиги 
унинг 
самарадорлигидан иборат (расм. 22.1). Бироқ бу ҳолатда киритма 
ўлчами 8 т.н.ж. билан чекланади, бунинг оқибатида трансген унинг 
экспрессияланиши учун зарур бўлган ёнидаги регулятор кетма-
кетликлардан маҳрум бўлиб қолиши мумкин. 
Расм. 22.1. Ретровирус 
векторларидан фойдаланиб 
трансген сичқонлар қаторини 
олиш. Одатда 8 ҳужайра 
босқичида турган эмбрионга 
трансген ташувчи рекомбинант 
ретровирус юқтирилади. 
Эмбрион имплантация қилинган 
урғочилар (“суррогат” оналар) 
трансген авлодни дунёга 
келтирадилар. Эмбиронлик 
қатори ҳужайраларида трансген 
ташувчи сичқон болаларини 
идентификациялаш учун бир 
қатор читиштиришлар 
ўтказилади.

---

154 
Бироқ ретровирусли векторлар усули битта катта камчиликка 
эга. Ушбу векторлар репликацияланмайдиган қилиб яратилган бўлса 
ҳам, векторли ДНКнинг катта миқдорини олиш учун зарур бўлган 
ретровирус (вирус-ёрдамчи) штамми геноми трансген тушган ядрога 
тушиши мумкин. Кўрилган барча чораларга қарамай, ретровирус-
ёрдамчилар трансген ҳайвон организмида репликацияланишлари 
мумкин, лекин агар бу ҳайвонларнинг овқатга ёки тижорат маҳсулоти 
олиш учун восита сифатида ишлатилиши мўлжалланаётган бўлса 
бунга умуман йўл қўйиб бўлмайди. Ва модомики, трансгенознинг 
альтернатив усуллари мавжуд экан, тижорат қийматига эга трансген 
ҳайвонлар яратишда ретровирус векторларидан кам фойдаланилади.