Russ nashriyotiga so‘z boshi

  

Ilk bosqichlarda mayda-chuyda detallarga e’tibor bermang  

  

Arxitektorlar  to  binoning  rejalashtirilishi  yakuniga  yetmagunicha,  dushga 

qanday plitka qilish, oshxonaga qanaqa idish yuvish mashinasi joylash haqida o‘ylay 

olmaydi. Ular bunday detallarni keyinroq hal qilish yaxshiroq ekanini bilishadi.   

Siz  ham  o‘z  g‘oyangizni  amalga  oshirishda  shunday  yondashishingiz  kerak. 

Detallar  hamma  narsani  hal  qiladi.  Lekin  detallarga  ancha  erta  berilib  ketish, 

fiklardagi  tafovutning  kelib  chiqishiga,  ortiqcha  uchrashuvlar  va  ushlanib 

qolishlarga  sabab  bo‘ladi.  Siz  aslida  unchalik  ham  muhim  bo‘lmagan  narsalarga 

sho‘ng‘ib  ketayapsiz.  Siz  vaqtingizni  har  qanday  holatda  ham  o‘zgarishi  mumkin 

bo‘lgan  qarorlarni  qabul  qilishga  sarflayapsiz.  Shunday  ekan  bir  muncha  vaqt 

detallarga  e’tibor  bermang.  Eng  avval  asosiy  ishni  hal  qiling,  keyin  esa  boshqa 

jihatlari haqida o‘ylasangiz bo‘ladi.   

Biz biror narsani loyihalashtira turib, biz g‘oyalarimizni soddalashtirib xomaki 

variantini qog‘ozga, oddiy sharikli ruchka o‘rniga, katta va qalin marker yordamida 

yozib chiqamiz. Nima uchun? Ruchkaning uchu juda ingichka. Ularning imkoniyati, 

yo‘li  ham  ko‘p.  Ular  sizni  hali  qayg‘urishingizga  juda  erta  bo‘lgan  ishlarga  jalb 

qiladi.  Masalan,  soyaning  mavjudligi  haqida,  yoki  qanday  chiziq  tanlash  haqida: 

---

to‘xtovsiz chiziqmi, yoki nuqtali chiziq. Oxir oqibat siz hali sizga kerak bo‘lmagan 

narsalarga diqqatingizni qaratishni boshlaysiz.   

Qalin  marker  bilan  mayda  detallarga  chuqur  kirib  bo‘lmaydi.  Siz  uning 

yordamida faqat shakl, chiziq va jadval chizishingiz mumkin.   

Va bu yaxshi. Boshida siz faqat umumiy manzara haqida qayg‘urishingizning 

o‘zi yetarli.   

Disney studyasining mashhur rasm o‘qituvchisi Uolt Stenchfild, animatorlarga 

boshida  “detallar  haqida  ununtish”  kerakligini  tez-tez  ta’kidlardi.  Sababi  –  ilk 

bosqichlarda detallar sizga hech narsa bermaydi.   

Bundan  tashqari,  ko‘p  hollarda  qanday  detallar  muhim  ahamiyatga  egaligini 

oldindan  bilish  qiyin.  Faqat  ishni  boshlagandan  so‘nggina  siz  nimaga  asosiy 

diqqatingizni qaratishingiz kerakligini tushunasiz, nima yetmayotganini his qilasiz. 

Ana o‘shandagina detallar bilan shug‘ullanish vaqti keladi, undan oldin emas.