Russ nashriyotiga so‘z boshi

---

Devid Xaynemayer Xensson Djeyson Frayd   

Rework: Bid’atlardan holi biznes   

  

Russ nashriyotiga so‘z boshi  

  

 Men  bu  kitobni  o‘qigan  vaqtimda,  menga  shunday  tuyulardiki,  go‘yo  men 

do‘stlarim bilan shinam kafeda o‘tiribman va ular o‘z bizneslari muvaffaqqiyatining 

“yashirin” sirlarini men bilan ochiq oydin bo‘lishishmoqda. Oson va erkin, aniq va 

samimiy bo‘lishishmoqda.  

Men o‘zim xohlagan va xohlamagan holda o‘qiganlarimni kompaniyani ochish 

va  rivojlantirishdagi  o‘z  shaxsiy  tajribalarim  bilan  taqqoslayapman.  Ko‘pgina 

maslahatlar  va  fikrlarga  qo‘shilaman,  ular  to‘g‘ri,  lekin,  ba’zilariga  e’tirozim  bor, 

ammo  ularning  barchasi  kishini  o‘ylashga,  odatiy  narsalarga  boshqa  tomondan 

qarashga, eskirib qolgan nazariyalar va qarashlarni qayta ko‘rib chiqishga undaydi.   

Sizga  yaqin  besh  yil  uchun  mo‘ljallangan  aniq  va  batafsil  biznes-reja 

kerakligiga  ishonchingiz  komilmi?  Yoki  tayyorgarliksiz  apil-tapil  ish  yuritish  bir 

muncha ko‘proq foyda keltiradimi?   

Sizga ofis shunchalik kerakmi?  

Haqiqatdan  ham  sizga  qanday  qilib  bo‘lsa  ham  kichik  kompaniyani  yirik 

kompaniyaga aylantirish muhimmi?   

Yig‘ilishlarni  muzokaralar  tarzida  o‘tkazish  kerakmi,  o‘zi  umuman  ularni 

o‘tkazishning zarurati bormi?  

Mualliflar shuni ishonarli qilib isbotlab berishganki, odatiy yo‘l har doim ham 

yaxshisi emas.   

Dunyo  o‘zgardi.  Yangi  texnologiyalar  shu  qadar  tez  paydo  bo‘layaptiki, 

ko‘pchiligi  boshqasidan  tubdan  farq  qiladi,  mustahkam  tuyilgan  yirik  bizneslar, 

huddi  qog‘oz  kartalardan  qurilgan  uycha  kabi  to‘satdan  sochilib  ketmoqda.  Yirik 

baliqlar  maydalarini  osongina  yeb  yuboradigan  vaqtlar  o‘tib  ketdi.  Hozir  esa  tez 

suzadigan  baliqlar  asta  suzadiganlarini  yeb  yuborayotganini  tez-tez  uchratish 

mumkin bo‘lib qoldi.   

Men odatda kitob huddi endi ish boshlaganlar kabi tajribali tadbirkorlarga ham 

foyda berishi haqidagi muqaddimalarga unchalik ham ishonavermayman. Lekin bu 

kitobda mutlaqo hammasi haqiqat. Bu kitob hayratlanarli darajada ilhomlantiruvchi 

va o‘z ishingizni boshlashga asosli turtki beruvchi kitobdir!  

Biz hozir biznes-inkubator tashkil etamiz, uning asosiy vazifasi esa – yorqin, 

noodatiy, muvaffaqqiyatli kompaniyalarni paydo bo‘lishiga yordam berish bo‘ladi. 

Biz  muloqot  uchun  jonli  muhit  yaratishni  xohlaymiz,  unda  esa,  nazariyani  emas, 

balki  ishbilarmon  omadli  biznesmenlarning  amaliy  “retsept”larini  tinglaymiz  va 

muhokama  qilamiz,  xuddi  kitob  mualliflari  maslahat  berganlari  kabi  yutuqlardan 

saboq  olamiz.  Men  bu  biznes  inkubatorimizda  biznesga  mana  shunday 

yondashuvchi,  o‘zining  biznes  sirlarini  boshqalar  bilan  bo‘lishishni  xohlovchi, 

---

hamda o‘z shaxsiy g‘oyalarini amalga oshirishni orzu qiluvchi barchani ko‘rishdan 

hursand bo‘laman!   

Sizga  haqiqatdan  ham  yana  nimadir  o‘z  biznesingizni  boshlashga  xalaqit 

berayaptimi?        

Reworkni  o‘qib  chiqing  va  hayotda  o‘zingizdan  iz  qoldirish  uchun  harakat 

qilishni boshlang.  

Aleksey Komissarov,   

Biznes-inkubator rahbari  

RF hukumati huzuridagi xalq xo‘jaligi akademiyasi  

“Avtoremont tizimi” kompaniyasi bosh direktori