Ўрмон уруғчилиги буйича қўлланма

Эман меваларини териш ва тайёрлаш.

Эман мевалари август охирида пишиб бошлайди. Биринчи бўлиб зарарланган ва касалланган мевалар пишиб тўкилади.

Эман мевалари 2-3 ҳафта давомида пишиб тўкилади , шу сабабли уруғлар бир жойдан ҳафтада бир марта териб олинади.
Касаллик ва ҳашаротлар билан зарарланган меваларни сувга ботириш йўли билан ажратилади . Сув бетига қалқиб чиққан мевалар ажратилиб йўқ қилинади, қолганлари дарҳол экилади ёки енгил қуритилиб сақлашга қўйилади.

Чўл дарахтлари уруғларини териш ва тайёрлаш.

Саксовулларнинг уруғлари октябр-ноябрь ойларида , черкез уруғлари ноябрь ойида , жузғунлар июнь –июль ойларида пишиб етилади ва дарров тўкила бошлайди.

Саксовул ва черкез уруғлари ингичка новдалари синдирилиб шолча устига уруғлари қоқиб олинади.
Жузғун уруғлари ерга тушгандан сўнг супуриб олинади. Черкез ва саксовул уруғларини ҳам ердан супуриб олиш мумкин.
Саксовул ва черкез уруғлари соя жойда юпқа қилиб ёйилиб, қизиб чиримаслиги учун ҳар куни бир неча марта аралаштирилиб экишгача сақланади.

Расм 11. Йўл ёқасидаги чўл ўсимликлари
Саксовул уруғлари жуда тез кўкарувчанлигини йўқотади, шу сабабли уларни баҳоргача экиш керак.
Жузғун уруғларини қуруқ жойда эккунча сақлаш мумкин.

Расм 12. Черкез уруғлари

Қайрағоч , терак ва қайин уруғларини териш ва тайёрлаш.

Қайрағочларнинг уруғлари май ойида пишиб, дарров тўкила бошлайди. Шу сабабли уруғ қанотлари сарғайиб бошлагандан уларни теришни бошлаш керак. Уруғлар шамолсиз куни уларни териш ёки шолчага қоқиш йўли билан амалга оширилади. Терилган уруғлар барг ва шохчалар қолдиқларидан тозаланиб, 4-5 кун давомида қуритилади ёки дарров экилади.
Терак ва туранғиллар уруғлари кўсакчалари ёрилиб бошлаган пайтда териб олинади . Кўсакчалар шингиллардан ажратилиб, қуруқ, ҳаво яхши айланиб турадиган жойда 5-7 см қалинликда ёйилиб қуритилади. 1-2 кундан кейин , уруғлар кўсакчалардан тўкила бошлагач , улар майда кўзли ( 1х1 мм дан 2х2 мм гача) эландан ўтказилади. Тоза уруғлар салқин иморатда 3 см қалинликда ёйилган ҳолда сақланади . Уруғлар жуда тез кўкарувчанлигини йўқотади , шу сабабли уларни дарров экиш керак.
Қайин уруғлари июльнинг иккинчи ярмида мевалари титилишидан 10-15 кун аввал бошланади . Бу вақтда уларнинг мевалари сарғиш-қўнғир тус олади.
Терилган қайин мевалари сояда ,ҳаво яхши айланадиган жойда қуритилади. Қуритилган мевалар эзилиб ,элакдан ўтказилади . Шунда уруғлар ҳажми 5-7 марта камаяди, уруғлар тозалиги 90 % га етади.