Ўрмон уруғчилиги буйича қўлланма

Игна баргли дарахтлар уруғларини териш ва тайёрлаш .

Шарқ туясининг қуббалари август-сентябрь ойларида терилади . Кейин қалинлиги 5-10 см қилиб офтобга ёйилади ва ҳар куни 2-3 марта аралаштириб турилади . 7-10 кунда уруғларнинг 85-90% ажралиб қолади . Қолган уруғларни кўрикдан ўтказиб қўлда ажратиш мумкин .

Расм 5. Зарафшон арчаси
Қарағайлар ( қрим , ўрмон қарағайлари ) октябрь ойидан февраль бошигача ( қуббалар очилгунча) териш мумкин . Элдор қарағайи қуббаларини йил давомида териш мумкин. Терилган қуббалар нам тегмайдиган жойда сақланиб, офтобда қуритилади. Очилган қуббалардан уруғлар қоқиб олинади. Уруғлар қўлда эзилиб, шамолда шопириш йўли билан қанотларидан тозаланади.
Арчалар ( зарафшон , туркистон , саур , виргиния арчалари) қуббалари бир ёнбоши қорая бошлаган пайтда терилади , этидан тозалаб ,бирданига экилади ёки стратификацияга қўйилади. Агар қуббалар тўлиқ қорайган бўлса, терилиб қуруқ жойда сақланиши ёки бир йил ўтиб экиш учун стратификацияга қўйиш мумкин .

Ёнғоқ мевалилар уруғларини териш ва тайёрлаш .

Оддий ёнғоқ мевалари сентябрь- октябрь ойларида қоқиб, териб олинади .

Расм 6. Терилган ёнғоқлар (сурат интернетдан олинган)
Терилган ёнғоқлар пўстлоғи арчилиб, аралашмалардан тозаланиб қуритилади. Зарарланган ёнғоқлар йўқ қилинади.

Расм 7. Зарарланган ёнғоқлар (сурат интернетдан олинган)
Бодомлар ҳам пишгандан кейин : бодомча --- июнь ойидан, бухоро бодоми ва Вавилов бодоми --- июль ўртасидан, оддий бодом --- август ойидан терилади. Тайёрлаш усули худди оддий ёнғоқдай .
Писта август ойида пиша бошлайди ва август- сентябрь ойларида терилади . Тайёрлаш усули худди оддий ёнғоқдай .

Расм 8. Писта мевалари

Қанотли мевалар уруғларини териш ва тайёрлаш .

Суғд шумтоли уруғлари октябрь ойида , пенсильвания шумтоли сентябрь ойида , оддий шумтол август ойида , қийшиқмевали шумтол июль –август ойларида терилади .

Тукли заранг уруғлари июльда , Регель заранги июль-август ойида , Семёнов заранги август-сентябрь ойида , туркистон заранги сентябрь-октябрь ойларида терилади .