Ўрмон уруғчилиги буйича қўлланма

Мусбат дарахтзорларни чопиш таъқиқланади.

Манфий дарахтзорлар асосан манфий дарахтлардан ташкил топган дарахтзорлардир. Бундай дарахтзорлар асосан ўрмон ўсиш шароити ёмон жойларда тарқалган, лекин айрим ҳолатларда ўсиш шароитлари яхши жойларда ҳам учраши ҳам мумкин. Манфий дарахтзорлардан ўрмон экиш учун уруғ териш таъқиқланади .

Нормал дарахтзорлар деб манфий ва мусбат дарахтзорлар тоифасига кирмаган дарахтзорлар аталади ва улар табиатда кенг тарқалган. Нормал дарахтзорлар, айниқса уларнинг энг яхшиларидан ўрмон экиш учун уруғ тайёрлашда кенг қўлланилади .
Дарахтзорларни юқорида кўрсатилган уч тоифадан бирига ўтказиш учун биринчи қават (ярус ) да

• 
  ўсаётган ёмон (манфий ) ва
  
• 
  яхши (мусбат ва нормал )
  

дарахтларнинг умумий дарахтлар сонидан улуши асос бўлиб хизмат қилади .
Мусбат дарахтзорлар чопилмаслиги керак, улар селекцион-уруғчилик мақсадида асралиши ва муҳофаза қилиниши керак . Мусбат дарахтзорларни кучли шамоллар таъсиридан сақлаш учун шамоллар йўналишини ҳисобга олган ҳолда 30-50 метр эндаги иҳота дарахтзорлар билан ўраб олиш керак .

Манфий дарахтзорлар жойида ажратилиб белгиланиши ва уларда уруғ теришни таъқиқлаш керак .

Вақтинчалик ўрмон уруғчилик участкаси .

Ўзбекистон Республикасида ҳамма ўрмонлар 1-гуруҳга киради, яъни ҳимоя ўрмонлари тоифасига кириши сабабли уларни чопиш таъқиқланган!
Вақтинчалик ўрмон уруғчилик участкаларида уруғлар чопилган дарахтлардан терилади. Ўзбекистон Республикасида ҳамма ўрмонлар 1-гуруҳ, яъни ҳимоя ўрмонлари тоифасига кириши сабабли уларни чопиш таъқиқланган. Келажакда мамлакатимизда 2 ва 3-гуруҳ ўрмонлари , яъни эксплуатацион ўрмонлар пайдо бўлса, шунингдек ёғоч олишга мўлжалланган тез ўсувчи дарахтлар плантациялари ва ўтин плантацияларидан вақтинчалик ўрмон уруғчилик участкаси сифатида фойдаланиш мумкин.
Вақтинчалик ўрмон уруғчилик участкасини ташкил қилишда сифатли уруғ ҳосилдорлигини ошириш учун манфий дарахтларнинг ҳаммаси ёки қисман бир-икки йил олдин чопиб олиниши керак. Вақтинчалик ўрмон уруғчилик учаскасини ҳосил кўп йили, уруғларни териш қулай вақтда чопиш керак.