Ўрмон уруғчилиги буйича қўлланма

Уруғларни териш ва тайёрлаш .

Ўзбекистон Республикасида ўрмонлар ўсиш жойига қараб тўрт хилга бўлинган . Булар - чўл ўрмонлари , тоғ ўрмонлари , тўқай ўрмонлари ва водий ўрмонлари .

Ҳар бир хил ўрмонларда ўзига хос ўрмон ҳосил қилувчи дарахт-бута турлари бор .

Расм 2. Ўрмон ҳосил қилувчи дарахт-бута турлари Ўзбекистонда
Чўл ўрмонларида саксовул (3 тур) , черкез (2 тур ) , қуёнсуяк (4 тур ) , жинғил, боржоқ , жузғуннинг кўплаб турлари , қорабароқлар ўрмон ҳосил қилувчи турларга киради .
Тоғ ўрмонларида арча (3 тур), ёнғоқ , писта , бодом (4 тур ) , заранг (4 тур ) , шумтол (2 тур ) , тоғолча ,олма , нок (4тур) , четан (3 тур ) , қайин турлари , тол турлари , терак турлари ўрмон ҳосил қилувчи турлардир .
Тўқай ўрмонларида чаканда, жийда, жинғил турлари , тол турлари, туранғил (3 тур ), чингил ўрмон ҳосил қилади .
Водий ўрмонлари тўлиқ маданий ўрмонлардан иборат бўлиб , асосан теракзорлар, мевали боғлар, чет элдан олиб келинган турлардан иборат . Водий ўрмонларида маҳаллий турлар деярли сақланиб қолмаган .

Чўл ўрмонлари	Тоғ ўрмонлари
Тўқай ўрмонлари	Водий ўрмонлари

Расм 3. Ўрмон ҳосил қилувчи дарахт-бута турлари Ўзбекистонда
Уруғ териш жараёнида дарахтларнинг шохларини чопиш ман қилинади ва бу ҳаракат ўрмонга зарар етказиш деб баҳоланади. Фақат саксовул ва черкезларнинг майда новдаларини синдириб уруғларини қоқиб олиш мумкин. Уруғларни териш жараёнида машина ва тракторларнинг кўтаргичларидан , нарвонлардан , шохларни эгиш учун илгаклар ва бошқа мосламалардан фойдаланиш мумкин .
Тайёрланган уруғлар ҳар бир ўрмон хўжалигида мавжуд бўлган ўрмон уруғларини ҳисобга олиш китобига белгиланган формада ( 3 илова ) киритилади.
Ўрмон ҳосил қилувчи турлар жуда кўп бўлганлиги қулайлик учун сабабли уларнинг уруғларини тайёрлаш жараёнини гуруҳларга бўлинган тарзда тасвирланади.

Расм 4. Ўрмонлар ўсиш жойининг умумий кўриниши